பிரதமர் வேட்பாளராக நரேந்திர மோடி- திமுக தலைவர் கருணாநிதி கருத்து
சென்னையில் நேற்று செய்தியாளர்களின் கேள்விகளுக்கு கருணாநிதி அளித்த பதில்:
கேள்வி: அடுத்த நாடாளுமன்றத் தேர்தலில் பாரதிய ஜனதாவின் பிரதமர் வேட்பாளராக நரேந்திர மோடியின் பெயர் அறிவிக்கப்பட்டிருக்கிறதே, அதைப் பற்றி உங்கள் கருத்து என்ன?
பதில்: இதிலே அந்தக் கட்சியைச் சேர்ந்த அத்வானி அவர்களின் கருத்து என்ன என்று சொல்லுங்கள்; அதற்குப் பிறகு என் கருத்தைக் கேட்கலாம்.
கேள்வி: அவர் அந்தக் கூட்டத்தில் கலந்து கொள்ளவில்லை. உங்கள் கருத்தைக் கூறுங்கள்?
பதில்: திராவிட முன்னேற்றக் கழகம் ஆதரிக்காத - யார் பிரதமர் பதவிக்குப் போட்டியிட்டாலும், தி.மு. கழகம் ஏற்கனவே கொண்டுள்ள மதவாத எதிர்ப்புக் கருத்திலிருந்து பின்வாங்காது.
டெல்லி தூக்கு சரிதான்
கேள்வி : டெல்லி பாலியல் குற்றவாளிகள் நான்கு பேருக்கும் மரண தண்டனை விதிக்கப்பட்டிருப்பதைப் பற்றி?
பதில் : தூக்குத் தண்டனை பற்றி எனக்கு மாறுபட்ட கருத்து உண்டு என்றாலும், இந்தக் குறிப்பிட்ட குற்றத்தைப் பொறுத்தவரை, நீதிபதிகள் சரியான முடிவினைத் தான் அறிவித்திருக்கிறார்கள் என்றார்.
Click it and Unblock the Notifications
Sign in with Google