பேசிட்டே இருந்தா என்ன அர்த்தம்! யார் பெருசுனு போட்டு காட்டுங்க! தேனியில் கலக்கிய ’மைக்செட்’ திருவிழா

Updated: Wednesday, August 3, 2022, 18:20 [IST]

Subscribe to Oneindia Tamil

தேனி : தேனி மாவட்டத்தில் மாட்டுவண்டி பந்தயம், புறா பந்தயம் போல நடத்தப்பட்ட மைக் செட் பந்தயத்தில் திண்டுக்கல் தேனி மதுரை உள்ளிட்ட பல்வேறு மாவட்டங்களைச் சேர்ந்த மைக் செட் உரிமையாளர்கள் கலந்து கொண்டு பரிசுகளை பெற்றுச் சென்றனர்.

மைக் செட் பந்தயம்

ஆனால் மைக் செட் பந்தயத்தை இதுவரை நீங்கள் கேள்விப்பட்டிருக்கிறீர்களா? பெரும்பாலும் இல்லை என்றே பதில் வரும். ஆனால் அப்படி ஒரு பந்தயம் நடந்திருக்கிறது வேறு எங்கும் இல்லை நம்ம ஊர் தேனியில் தான். இந்த இசை திருவிழாவில் தேனி திண்டுக்கல் மதுரை உள்ளிட்ட பல்வேறு மாவட்டங்களில் இருந்து மைக் செட் உரிமையாளர்கள் கலந்து கொண்டு தங்கள் இசை திறமையை வெளிக்காட்டினர்.

மைக் செட் தொழிலாளர்களுக்கு

வீட்டு விசேஷங்கள் தொடங்கி திருவிழாக்கள் அரசியலுக்கு கட்சி கூட்டம் என பல்வேறு நிகழ்ச்சிகளுக்கு மைக் செட் அமைத்து வந்தாலும் ஒலி ஒளி அமைப்பாளர்களுக்கு என நல வாரியங்கள் எதுவும் இல்லை. பெரும்பாலும் இந்த தொழிலில் ஈடுபட்டு வரும் தொழிலாளர்கள் நலிவடைந்த நிலையில் உள்ளனர். அவர்கள் குறித்த விழிப்புணர்வை ஏற்படுத்தும் வகையிலும் நலிவடைந்து வரும் மைக் செட் தொழிலாளர்களுக்கு உதவி செய்யும் வகையிலும் இந்த போட்டி நடத்தப்படுகிறது.

ஒலிபெருக்கி உரிமையாளர்கள் சங்கம்

கம்பம் நகர ஒலிபெருக்கி உரிமையாளர்கள் சங்கம் நடைபெற்ற இந்த போட்டியில் கலந்துகொண்ட மைக் செட் உரிமையாளர்கள் கூம்பு வடிவ ஒலிபெருக்கிகளை திறந்தவெளியில் அமைத்து விதவிதமான பாடல்களை ஒளிபரப்பி தங்கள் திறமைகளை வெளிப்படுத்தினர். இந்த போட்டியில் எந்த மைக் செட்டில் இருந்து அதிக தூரத்திற்கு தெளிவான பாடல் கேட்கிறது என்பதை வைத்து வெற்றியாளரை தீர்மானம் செய்யப்பட்டனர். இந்தப் போட்டியில் வெற்றி பெறும் முதல் மூன்று மைக் செட் உரிமையாளர்களுக்கு பரிசுத்தொகை அன்பளிப்பாக வழங்கப்பட்டது.

கோரிக்கை

போட்டியில் கலந்து கொண்ட உரிமையாளர்கள் கூறுகையில் தமிழகத்தில் உள்ள அனைத்து பகுதிகளிலும் இந்த மைக் செட் போட்டி நடைபெறுவதற்கு அரசு முழுமையான அனுமதியை வழங்க வேண்டும், கொரோனா காலம் மட்டுமின்றி, கடந்த ஆண்டுகளில் திருவிழாக்கள் நடைபெறாமல் வேலையின்மை ஏற்பட்டு போதிய வருமானம் இல்லாமல் மிகவும் சிரமமடைந்து வருவதாக வருத்தம் தெரிவித்து, வேலையின்மை காலங்களில் அரசு கடன் உதவி அல்லது மானிய உதவிகளை வழங்க வேண்டும் என்று கூறி கோரிக்கை வைத்தனர்.