சிம்பு லோக்கல் டாக்டர் இல்லை...ஃபாரின் டாக்டர்...!! அப்பவும் அசிஸ்டன்ட் இவரா..!!??

Updated: Wednesday, January 12, 2022, 15:59 [IST]

Subscribe to Oneindia Tamil

சென்னை: ஏகப்பட்ட மீம்ஸ்கள் சமூக வலைதளங்களில் வலம் வந்து கொண்டிருந்தாலும் ஹாலிவுட் சூப்பர் ஹிட் பட போஸ்டர் உடன் எஸ். டி. ஆர் அவர்களின் டாக்டர் பட்டத்தை இமிடேட் செய்து வலம் வருகிற போஸ்டர் ஒன்று செம வைரலாக உள்ளது.

ஆனந்தக் கண்ணீர்

தன்னுடைய மகன் சிலம்பரசன் டாக்டர் பட்டம் வாங்கியதை பார்த்து டி.ஆர் ஆனந்தக் கண்ணீர் விட.... அவரது ரசிகர்களும் சந்தோசத்தில் இணையத்தில் பாராட்டு மழைகளை பொழிய.... என்று ஒருவழியாக டாக்டர் பட்டம் பெரும் நிகழ்வு சிறப்பாக நடந்து முடிந்தாலும், நிகழ்ச்சி குறித்த கருத்துக்களும், கலாய்ப்புகளும் இன்னும் இணையத்தில் ஓய்ந்தபாடில்லை. அதுவும் பின்னாடி கூல் சுரேஷ் கெட்டப் வேற லெவல்...!!!

சர்ச்சைகளும், கருத்துகளும்

கௌதம் மேனன் இயக்கத்தில் வேல்ஸ் நிறுவனத்தின் தயாரிப்பில் வெந்து தணிந்தது காடு படத்தில் நடித்துவருகிறார் சிம்பு. அந்த வேல்ஸ் நிறுவனத்தால் நடத்தப்படும் வேல்ஸ் பல்கலைக்கழகம் சார்பாக சிம்புவிற்கு கௌரவ டாக்டர் பட்டம் வழங்கப்பட்டது.சூப்பர் ஸ்டார் ரஜினிகாந்த் மகள் சௌந்தர்யா உட்பட பல செலிபிரிட்டிகள் சிம்புவை சமூக வலைதளங்களில் வாழ்த்தி இருந்தாலும், பல்வேறு சர்ச்சை கருத்துகளும் கூடவே வலம் வந்து கொண்டுதான் இருக்கின்றன.

வேல்ஸ் நிறுவனத்தின் வாக்குமூலம்

தங்கள் நிறுவன படத்தில் நடிப்பதற்கும், டாக்டர் பட்டம் அளிப்பதற்கும் எந்த சம்பந்தமில்லை என்று வாண்டடாக வந்து வாக்குமூலம் கொடுக்கும் வேல்ஸ் நிறுவனம், சினிமாவில் சிறுவயதிலிருந்தே 39 ஆண்டுகளை நிறைவு செய்துள்ளதற்காக மட்டுமே டாக்டர் பட்டம் வழங்குவதாக கூறியுள்ளது.இந்த அறிக்கையைப் பார்த்த நெட்டிசன்கள் சமீபகாலமாக சிம்புவின் நடவடிக்கையை பார்க்கும்பொழுது சிம்புவிற்கு டாக்டர் பட்டம் கொடுப்பதைவிட சிம்புவை வைத்து படம் இயக்கிய இயக்குனர்களுக்குதான் உண்மையிலேயே டாக்டர் பட்டம் கொடுக்க வேண்டும் என்று கலாய்த்து வருகின்றனர்.வேல்ஸ் நிறுவன படத்தில் நடித்தால் கதாநாயகர்களுக்கு டாக்டர் பட்டம் இலவசம் என்று சத்தமில்லாமல் விளம்பரமும் செய்து வருகின்றனர்.

நெட்டிசன்கள் கமெண்ட்

கண்டென்டுகளுக்கு கன்னாபின்னாவென்று உருவம் கொடுக்கும் நம்ம மீம்ஸ் கிரியேட்டர்கள்,சிம்பு டாக்டர் பட்டம் வாங்கியதை பிரபல ஹாலிவுட் சூப்பர் ஹிட் மூவியான "டாக்டர் ஸ்டிரேன்ச்" படத்தில் டாக்டர் எஸ்.டி.ஆர் என்று எடிட் செய்து உருவாக்கியுள்ள மீம்ஸ்கள் இணையத்தில் பலரால் பகிரப்பட்டு வருகிறது.அதுவும் சமீப காலமாக சிம்புவின் பி.ஆர்.ஓ போல் செயல்பட்டு வரும் கூல் சுரேஷ் சிம்புவுடன் இணைந்து நடந்து வருவதுபோல் உலாவரும் இந்த மீம்ஸ்கள் சிம்புவுக்கு பொருந்துகிறதோ..!? இல்லையோ..!!? கூல் சுரேஷ்க்கு கரெக்டா இருக்கிறது என்று நெட்டிசன்கள் கமெண்ட் செய்து வருகின்றனர்.