கர்நாடகத்தில் திடுக் திருப்பம்.. காங்கிரஸை கழற்றி விட முடிவு.! பாஜக-வுடன் கைகோர்க்கும் குமாரசாமி

பெங்களூரு: கர்நாடக அரசியலில் யாருமே எதிர்பார்க்காத திருப்பம் ஒன்று நிகழ போவதாக பரபரப்பு தகவல் வெளியாகியுள்ளது. தற்போதைய தகவலின் படி கர்நாடகத்தில் காங்கிரஸை கழற்றி விட்டு, பாஜக-வுடன் கூட்டணி சேர மஜத கட்சி திட்டமிட்டுள்ளதாக ஒரு ரகசிய தகவல் கிடைத்துள்ளது.

கர்நாடக மாநிலத்தில் அடுத்தடுத்து பல்வேறு அரசியல் திருப்பங்கள் நிகழ்ந்து வருகின்றன. அங்கு காங்கிரஸ் - மஜத தலைமையில் கூட்டணி ஆட்சி நடைபெற்று வருகிறது. கடைசியாக நடந்த சட்டமன்ற தேர்தலில் பாஜக தனித்து 105 இடங்களை கைப்பற்றியிருந்தது. காங்கிரஸ் குறைவான இடங்களைய பெற்றது.

இதனால் எந்த கட்சியும் ஆட்சியமைக்க முடியாத சூழல் ஏற்பட்டது. ஆனால் பெரும்பான்மையை நிரூபிப்பதற்கு வாய்ப்பு கொடுக்கப்பட்டு, எடியூரப்பா முதல்வராக பதவியேற்றார். ஆனால் குறிப்பிட்ட கெடுவிற்குள் அவரால் பெரும்பான்மையை நிரூபிக்க முடியாமல் போனதால் முதல்வர் பதவியை ராஜினாமா செய்தார்.

அதன் பின்னர் காங்கிரஸ் - மஜத கூட்டு சேர்ந்து ஆட்சியமைத்தன. முதல்வர் பதவியும் குமாரசமிக்கு விட்டு தரப்பட்டது. இந்நிலையில் அப்போது முதலே ஆபரேஷன் தாமரை திட்டத்தை கையில் எடுத்து, குமாரசாமி அரசை கவிழ்க்க முயற்சித்தது பாஜக. ஆனால் மூன்று முறை முயற்சித்தும் முடியவில்லை.

இந்நிலையில் மத்தியில் மீண்டும் வலுவான ஆட்சியை அமைத்த காரணத்தால், பாஜக ஆபரேஷன் தாமரை திட்டத்தை கையில் எடுத்ததாக கூறப்படுகிறது. இந்நிலையில் கடந்த சில நாட்களுக்குள் கூட்டணி அரசு மீதான அதிருப்தி காரணமாக காங்கிரஸ் மற்றும் மஜத எம்எல்ஏ-க்கள் சுமார் 16 பேர் ராஜினாமா செய்துள்ளனர். இதில் காங்கிரஸ் உறுப்பினர்கள் தான் அதிகம் ராஜினாமா செய்துள்ளனர்.

இங்கு தான் குமாரசாமிக்கு பெருத்த சந்தேகம் எழுந்துள்ளது. ஏனெனில் அவரது தந்தை தேவகவுடாவிற்கும், காங்கிரஸ் தலைவர் சித்தராமையாவிற்கும் ஏழாம் பொருத்தம் எனவே குமாரசாமி ஆட்சிக்கு நெருக்கடி ஏற்படுத்தவே தன் கட்சி எம்எல்ஏக்களை அதிகளவில் தூண்டிவிட்டு ராஜினாமா செய்ய வைத்திருப்பதாக கருதுகிறார் குமாரசாமி

இந்நிலையில் குமாரசாமிக்கு வலது கரமாக திகழும் கர்நாடக சுற்றுலாதுறை அமைச்சர் சா.ரா.மகேஷ் மற்றும் 3 முக்கிய பாஜக பிரதிநிதிகள் சந்தித்து ரகசிய ஆலோசனை நடத்தியுள்ளதாக தகவல் வெளியாகியுள்ளது. அமைச்சர் மகேஷ் உடன் பாஜக நிர்வாகிகள் பூட்டிய அறைக்குள் பேச்சு நடத்தியுள்ளனர்.

அதன்படி தற்போது அமைக்கப்பட்டுள்ள காங்கிரஸ் கட்சியுடனான கூட்டணியை கைவிட்டு, பாஜக-வுடன் மதசார்பற்ற ஜனதாதளம் கூட்டணி அமைப்பது தொடர்பாக பேச்சுவார்த்தை நடந்ததாக கூறப்படுகிறது. முதல்வர் பதவியை எடியூரப்பாவிற்கு வழங்கிவிட்டு, மஜத அமைச்சரவையில் இடம்பெறுவது என்கிற ரீதியில் பேச்சு நடத்தப்பட்டுள்ளதாக தெரிகிறது.

இதனால் திருப்பங்களுக்கு மேல் திருப்பங்கள் நிகழ்ந்து கர்நாடக அரசியல் களம், இன்னும் பயங்கரமாக சூடுபிடிக்கும் என எதிர்பார்க்கப்படுகிறது.

English summary

It is rumored that there will be a turning point in the politics of Karnataka. According to the latest information, a confidential report has revealed that the Majestic Party is planning to leave the Congress in Karnataka and join the BJP.