இருந்ததும் போச்சே! தவெக கூட்டணியில் இருந்து முஸ்லீம் கட்சி கிரேட் எஸ்கேப்! அதிர்ச்சியில் விஜய்

சென்னை: தவெக கூட்டணியில் இருந்து விலகிய ஜனநாயக முஸ்லீம் மக்கள் கட்சி தற்போது திமுக கூட்டணியை ஆதரிப்பதாகவும் அந்த கூட்டணியில் இணைந்து தேர்தலில் போட்டியிட போவதாகவும் தெரிவித்துள்ளார்.

கரூர் கூட்ட நெரிசலில் 41 பேர் பலி, ஜனநாயகன் சென்சார் பிரச்சனை, சங்கீதா விவாகரத்து கேட்டு நோட்டீஸ் அனுப்பியது, கரூர் கூட்ட நெரிசல் தொடர்பாக சிபிஐ சம்மன் என விஜய்யை பிரச்சனைகள் வரிசையாக கட்டியுள்ள நிலையில் இந்த கட்சியும் தற்போது விலகிக் கொண்டது விஜய் தரப்புக்கு பெரும் அதிர்ச்சியை கொடுத்துள்ளது.

ஜனநாயக முஸ்லீம் மக்கள் கட்சி கடந்த 8 மாதங்களாக தவெகவுடன் பயணித்து வந்தது. இந்த நிலையில் தவெகவின் செயல்பாடுகள் சரியில்லை என கூறி, அக்கட்சிக்கு கொடுத்த ஆதரவை வாபஸ் பெறுவதாக அக்கட்சியின் தலைவர் எம்.எஃப் தமீம் தெரிவித்துள்ளார்.

அத்துடன் வரும் சட்டசபை தேர்தலில் திமுக கூட்டணியை ஆதரிப்பதாக தெரிவித்த தமீம், தேர்தலில் போட்டியிட வாய்ப்பு கேட்டுள்ளதாக தெரிவித்துள்ளார். ஏற்கெனவே திமுக கூட்டணியில் 21 கட்சிகள் உள்ள நிலையில் தற்போது 22 ஆவது கட்சியாக ஜனநாயக முஸ்லீம் மக்கள் கட்சியும் இணைந்துள்ளது.

திமுக கூட்டணியில் 22 கட்சிகள் என்னென்ன என்பதை பார்க்கலாம்.

1. திமுக
2. காங்கிரஸ்
3. மதிமுக
4. இந்திய கம்யூனிஸ்ட்
5. மார்க்சிஸ்ட் கம்யூனிஸ்ட்
6. விடுதலை சிறுத்தைகள்
7. இந்திய யூனியன் முஸ்லிம் லீக்
8. தேமுதிக
9. மனிதநேய மக்கள் கட்சி
10. மக்கள் நீதி மய்யம்
11. தமிழக வாழ்வுரிமை கட்சி
12. மக்கள் விடுதலை கட்சி
13. ஆதித்தமிழர் பேரவை
14. அகில இந்திய பார்வர்டு பிளாக்
15. கொங்குநாடு மக்கள் தேசிய கட்சி
16. எஸ்டிபிஐ
17. மனிதநேய ஜனநாயகக் கட்சி
18. முக்குலத்தோர் புலிப்படை
19. கொங்கு இளைஞர் பேரவை
20. திராவிட வெற்றிக் கழகம்
21. புதிய திராவிட கழகம்
22. ஜனநாயக முஸ்லீம் மக்கள் கட்சி

தவெக கூட்டணிக்கு காங்கிரஸ் வரும் என கதவை திறந்து வைத்து காத்திருந்த நிலையில் காங்கிரஸோ திமுக கூட்டணிக்கே சென்றது. திமுகவிடம் அதிக தொகுதிகள், ஆட்சியில் பங்கு உள்ளிட்டவைகளை காங்கிரஸ் கேட்ட நிலையில் அந்த ஆஃபர்களை தருவதாக தவெக கூறியும் பனையூர் பக்கம் எட்டி கூட பார்க்கவில்லை.

ஏற்கெனவே தவெக கூட்டணியில் இருந்த தமிழ்நாடு முஸ்லீம் லீக் தேர்தலில் போட்டியிடவில்லை என அறிவித்துவிட்டது குறிப்பிடத்தக்கது. தற்போது இருந்த ஒரு கட்சியும் எஸ்கேப் ஆகிவிட்டது.

English summary

Jananayaga Muslim Makkal Party has announced its exit from the TVK alliance and declared support for the DMK-led coalition. Party leaders stated that they are likely to join the DMK alliance and contest in the upcoming elections under the new political arrangement.