பட்ஜெட் 2022: 527 பில்லியன் பட்ஜெட்.. பெருமளவில் மாற்றமில்லா வரி விகிதங்கள், வளர்ச்சிக்கு முன்னுரிமை

டெல்லி : வழக்கத்தைப்போல இந்தாண்டும் இந்தியாவின் பட்ஜெட் 14 சதவீதம் உயர்ந்து 527 பில்லியன் டாலராக இருக்கும் எனவும், வரி விகிதங்களில் பெருமளவில் மாற்றம்மில்லாமல் நிர்மலா சீதாராமன் பட்ஜெட்டை அறிவிப்பார் என பொருளாதார நிபுணர்கள் கணித்துள்ளனர்.

பிப்ரவரி 1ஆம் தேதி மத்திய பட்ஜெட்டை நிதியமைச்சர் நிர்மலா சீதாராமன் தாக்கல் செய்கிறார். கொரோனா நோய் தொற்றுக்கு பிறகு இந்திய பொருளாதாரத்தை மீட்டெடுப்பதில் பிரதமர் மோடி தலைமையிலான அரசு சிறப்பு கவனம் செலுத்தி வருகிறது.

இதையொட்டி 2022-23 நிதி ஆண்டுக்கான பட்ஜெட்டில் உட்கட்டமைப்பை மேம்படுத்துவதில் கவன இருக்கும் எனவும், இந்தாண்டு முழுமுழுக்க காகிதமில்லா பட்ஜெட் டிஜிட்டல் முறையில் தாக்கல் செய்யப்படவுள்ளது.

பட்ஜெட் 2022

வரும் செவ்வாய்க்கிழமை நாட்டின் மத்திய பட்ஜெட் தாக்கல் செய்யப்படவுள்ள நிலையில் பொருளாதார வல்லுநர்களின் கணிப்பின்படி, உலகின் வேகமாக வளர்ந்து வரும் பெரிய பொருளாதார நாடு என்ற பட்டத்தை மீண்டும் பெற உள்ள இந்தியா செலவினங்களை அதிகரிப்பதன் மூலம் நிதி ஒருங்கிணைப்பை விட வளர்ச்சிக்கு முன்னுரிமை அளிக்கும் என தெரியவந்துள்ளது. இதுகுறித்து ப்ளூம்பெர்க்கின் மதிப்பீடுகளின்படி, நிதியமைச்சர் நிர்மலா சீதாராமன், ஏப்ரல் மாதம் தொடங்கும் நிதியாண்டில் பட்ஜெட்டை ஆண்டுக்கு ஆண்டு 14% அதிகரித்து 39.6 டிரில்லியன் டாலராக அதாவது $527 பில்லியனாக உயர்த்துவார் எனவும், வரி விகிதங்களை பெருமளவில் மாற்றம் இருக்காது என்றும் எதிர்பார்க்கப்படுகிறது. அதற்குப் பதிலாக சொத்து விற்பனையிலிருந்து வரும் வருமானம் மற்றும் 13 டிரில்லியன் கடன் வருவாயை அரசு நம்பியிருக்கும் என கூறப்பட்டுள்ளது

பட்ஜெட் பற்றாக்குறை

உயர்த்தப்பட்ட செலவுகள் ஒரு வருடத்திற்கு அரசின் பட்ஜெட் பற்றாக்குறையை மொத்த உள்நாட்டு உற்பத்தியில் 6%க்கும் அதிகமாக வைத்திருக்கும் எனவும், நடப்பு ஆண்டை 6.8% பற்றாக்குறையுடன் முடித்த பிறகு, அடுத்த நிதியாண்டில் மொத்த உள்நாட்டு உற்பத்தியில் 6.1% நிதி இடைவெளியை சீதாராமன் இலக்காகக் கொள்வார் என்று பொருளாதார வல்லுநர்கள் கணித்துள்ளனர். கொரோனா மற்றும் ஓமிக்ரான் மாறுபாட்டைத் தடுப்பதற்கான கட்டுப்பாடுகளுடன், வேலைகளை உருவாக்குவதற்கும் மக்களை வறுமையிலிருந்து வெளியேற்றுவதற்கும் உள்கட்டமைப்புத் திட்டங்கள் முதல் சுகாதாரப் பாதுகாப்பு வரை அனைத்திற்கும் செலவழிக்க அழுத்தங்கள் உள்ள நிலையில், சுகாதாரம் மற்றும் கல்வியில் முதலீடு செய்ய ஆக்ஸ்பாம் நிறுவனம் பரிந்துரைத்துள்ளது

வரிகளில் மாற்றம் இருக்காது

பங்கு விலைகள் முதல் கிரிப்டோ மற்றும் பொருட்கள் வரை எல்லாவற்றின் மதிப்பும் உயர்ந்துள்ளதால், தொற்றுநோய் காலத்தில் உலகளவில் பணக்காரர்களுக்கு சொத்து மதிப்பு உயர்ந்துள்ளது. கடந்த மே மாதத்தில் நகர்ப்புற வேலையின்மை 15% ஆக உயர்ந்தது மற்றும் உணவுப் பாதுகாப்பின்மை மோசமடைந்த நிலையில் இப்போது பிரான்ஸ், ஸ்வீடன் மற்றும் சுவிட்சர்லாந்தை விட அதிகமான கோடீஸ்வரர்கள் இந்தியாவில் உள்ளதாகவும் ஆக்ஸ்பாம் நிறுவனம் கூறியுள்ள நிலையில், இந்தியாவின் கடனுக்கான வெளிநாட்டுத் தேவையை அதிகரிக்க சில வரி விதிகளை சீதாராமன் மாற்றுவார் என்ற எதிர்பார்ப்புகள் அதிகரித்து வரும் நிலையில், அடுத்த மாதம் 5 மாநிலத் தேர்தல்களுக்காக வரிகள் உயர்ந்த்தப்படாது எனவே தகவல்கள் வெளியாகியுள்ளது.

வெளிநாட்டு வரவுகள்

பத்திர முதலீட்டாளர்கள் மீதான மூலதன ஆதாய வரியை ரத்து செய்வது, உலகளாவிய பத்திரக் குறியீடுகளில் இந்தியாவைச் சேர்ப்பதற்கான வழக்கை முன்னெடுத்துச் செல்வது ஆகியவை HSBC ஹோல்டிங்ஸ் பிஎல்சி மதிப்பீட்டின்படி $40 பில்லியன் வெளிநாட்டு வரவுகளுக்கு வழி வகுக்கும் எனவும், மத்திய வங்கி அதன் தொற்றுநோய் காலத்தின் சில பண ஊக்குவிப்புகளைத் திரும்பப் பெறுவதைப் போலவே, அரசாங்கத்தால் கிட்டத்தட்ட பதிவு செய்யப்பட்ட கடன் வாங்கும் எதிர்பார்ப்புகளின் அடிப்படையில் இது உள்நாட்டு அழுத்தத்தை எளிதாக்கும் எனவும், அரசாங்கத்தின் வளர்ச்சியை அதிகரிக்கும் கொள்கைகளால் ஏழைகள் தான் அதிகம் பயனடைவார்கள் என்று பொருளாதார நிபுணர்கள் கணித்துள்ளனர்.

English summary

As usual, economists predict that India's budget will rise by 14 per cent to $ 527 billion this year and that Nirmala Sitharaman will announce the budget without drastic changes in tax rates.