ராம்தேவ் தாளத்துக்கு ஆட்டம் போடும் அமித் ஷா.. கலகல யோகா டே!

சர்வ தேச யோகா தினத்தையொட்டி குஜராத்தில் நடைபெற்ற யோகா பயிற்சியின் போது பாபா ராம்தேவ் போட்ட தாளத்திற்கு ஆட்டம் போட்டு அமித் ஷா யோகா செய்து கலகலப்பை ஏற்படுத்தினார்.

அகமதாபாத்; 2015ம் ஆண்டு முதல் ஜூன் 21ம் தேதி சர்வதேச யோகா தினமாக கொண்டாடப்பட்டு வருகிறது.

மூன்றாவது ஆண்டாக இன்று குஜராத்தில் பாபா ராம்தேவ் யோகா தினத்தைக் கொண்டாடினார்.

பாபா ராம்தேவ் நடத்திய யோகா கொண்டாட்டத்தில் பாஜக தேசிய தலைவர் அமித் ஷா, குஜராத் முதல்வர் விஜய் ரூபானி ஆகியோர் கலந்து கொண்டனர். இவர்களுடன் ஏராளமான பொதுமக்களும் பங்கேற்று கலகல யோகா பயிற்சி எடுத்தனர்.

பிரமாண்ட மேடை

இந்த நிகழ்ச்சியில் அமித் ஷா, பாபா ராம்தேவ் ஆகியோர் நின்று யோகா செய்வதற்காக பெரிய மேடை அமைக்கப்பட்டிருந்தது. இந்த மேடையில் அவர்கள் நின்று கொண்டிருந்த போது, ஒலிப் பெருக்கியில் பாட்டு பாடப்பட்டது.

பாட்டுக்கு டான்ஸ்

அந்த பாட்டுக்கு ஏற்ப குதித்து குதித்து ராம்தேவ் யோகா செய்தார். அவர் குதிப்பதைப் பார்த்து அமித் ஷாவும் குதித்து குதித்து யோகா செய்தார். பின்னர், ராம்தேவ் கையை உயர்த்தியவாறு குதித்து டான்ஸ் ஆடத் தொடங்கிவிட்டார். அமித் ஷாவும் அவர் ஆடிய மாதிரியே நடனமாட முயற்சி செய்தார்.

கலகல யோகா

இவர்களை பின்பற்றி யோகா செய்ய வந்த பொதுமக்களும், பாட்டுக்கேற்றபடி அமித் ஷாவும், பாபா ராம்தேவ்வும் டான்ஸ் ஆடியதால் அதே போன்று ஆடிவிட்டு அங்கிருந்து கலைந்து சென்றனர். அமைதியாய் நடக்க வேண்டிய யோகா, கலகலவென ஆட்டம் பாட்டமாய் முடிந்தது.

#WATCH Gujarat CM Vijay Rupani, Amit Shah and Baba Ramdev participate in a Yoga camp in Ahmedabad #InternationalYogaDay pic.twitter.com/JzBKTEq9cN

— ANI (@ANI_news) June 21, 2017

வைரல் வீடியோ

இந்த நிகழ்வின் போது எடுக்கப்பட்ட வீடியோ சமூக வலைதளங்களில் வைரலாக பரவி வருகிறது. இதுகுறித்து பல்வேறு விமர்சனங்களையும் நெட்டிசன்கள் சமூக வலைதளங்களில் பதிவிட்டு வருகின்றனர்.

English summary

BJP leader Amit Shah danced with Baba Ramdeve in Yoga day event held at Ahmedabad in Gujarat.