மே 23-இல் குமாரசாமி பதவியேற்பு... யாருக்கெல்லாம் அமைச்சர் பதவி?... துணை முதல்வர் யார்?

மே 23-இல் கர்நாடகத்தின் முதல்வராக குமாரசாமி பதவியேற்க முடிவு செய்துள்ளார். அவரது உத்தேச அமைச்சரவை பட்டியல் தற்போது வெளியாகியுள்ளது.

By Lakshmi Priya

Updated: Sunday, May 20, 2018, 9:31 [IST]

Subscribe to Oneindia Tamil

பெங்களூர்: கர்நாடகத்தின் முதல்வராக குமாரசாமி வரும் மே 23-இல் பதவியேற்க முடிவு செய்துள்ளார். அவரது உத்தேச அமைச்சரவைப் பட்டியல் தற்போது வெளியாகியுள்ளது. இந்த பட்டியல் ஏற்கெனவே முடிவு செய்யப்பட்டதாக கூறப்படுகிறது.

கர்நாடக மாநில தேர்தல் வாக்கு எண்ணிக்கையின்போது பல்வேறு திருப்புமுனைகள் ஏற்பட்டது. அதை தொடர்ந்து எண்ணிக்கையின் அடிப்படையில் முதல்வராக பதவியேற்றுக் கொண்ட எடியூரப்பா நேற்று நம்பிக்கை வாக்கெடுப்பு நடத்தாமலேயே தன் பதவியை ராஜினாமா செய்து விட்டார்.

Cong-JD(S) government: Full list of possible ministers

இந்நிலையில் ஏற்கெனவே பேசி வைத்தபடி காங்கிரஸ்- ஜேடிஎஸ் கூட்டணியின் சார்பில் முதல்வராக அறிவிக்கப்பட்ட குமாரசாமியை ஆட்சி அமைக்க ஆளுநர் அழைப்பார். அவர் வரும் 23-இல் பதவியேற்க திட்டமிட்டுள்ளார். யார் யாருக்கு அமைச்சரவையில் இடம் என்பது தொடர்பான பட்டியல் தற்போது வெளியாகியுள்ளது. இது உத்தேசப் பட்டியல் என்ற போதிலும் இவை ஏற்கெனவே முடிவு செய்யப்பட்டது என்று கூறப்படுகிறது.