சிக்கிம் மாநில அரசின் விளம்பர தூதராக ஏ.ஆர். ரகுமான் நியமனம்

சிக்கிம் மாநில அரசின் விளம்பர தூதராக ஏ.ஆர். ரகுமானை அம்மாநில முதல்வர் நியமித்துள்ளார்.

காங்டாக்: சிக்கிம் மாநில அரசின் விளம்பர தூதராக இசையமைப்பாளர் ஏ.ஆர். ரகுமான் நியமிக்கப்பட்டுள்ளார்.

சிக்கிம் தலைநகர் காங்டாக்கில் குளிர்கால திருவிழா கொண்டாட்டங்கள் திங்களன்று தொடங்கின. இதற்காக ஞாயிறு இரவு காங்டாங் வந்தடைந்தார் ஏ.ஆர். ரகுமான்.

அவரை மேஃபேர் ரிசார்ட்டில் சிக்கிம் அமைச்சர்கள் உஜென் டி கியாட்ஸோ பூட்டியா, கதானி உள்ளிட்டோர் வரவேற்றனர், இதனைத் தொடர்ந்து திங்களன்று குளிர்கால திருவிழா கொண்டாட்டங்கள் தொடங்கின.

From Sikkim https://t.co/yegyGkWsaJ

— A.R.Rahman (@arrahman) January 8, 2018

இத்திருவிழா 11 நாட்கள் சிக்கிம் மாநில அரசால் நடத்தப்படுகிறது. இந்நிகழ்ச்சியில் சிக்கிம் முதல்வர் பவன்குமார் சாம்லிங், தங்களது மாநிலத்தின் விளம்பர தூதராக ஏ.ஆர். ரகுமான் இருக்க வேண்டும் என வேண்டுகோள் விடுத்தார்.

இதனை மேடையில் இருந்த ஏ.ஆர். ரகுமானும் ஏற்றுக் கொண்டு நன்றி தெரிவித்தார்.

English summary

Sikkim Chief Minister Pawan Chamling announced that the Academy Award winning music composer AR Rahman’s name for the State on Monday at the Winter Carnival.