பிளாஷ்பேக்: சார்லஸுக்கு மன்னராகும் தகுதியில்லை.. மரணத்துக்கு முன் அரச குடும்பத்தை அதிர வைத்த ‘டயானா’

லண்டன்: பிரிட்டன் மகாராணி இரண்டாவது எலிசபெத் கடந்த சில நாட்களுக்கு முன்பாக உயிரிழந்த நிலையில், மறைந்த பிரிட்டன் இளவரசி டயானா, தற்போதைய மன்னர் மூன்றாம் சார்லசுக்கு மன்னராகும் தகுதியே இல்லை என்று கூறியது தற்போது அதிகளவில் பேசப்பட்டு வருகிறது.

பிரிட்டன் ராணி 2 வது எலிசபெத்துக்கு கடந்த சில நாட்களுக்கு முன் திடீர் உடல்நலக்குறைவு ஏற்பட்டது. இதனை அடுத்து மருத்துவமனைக்கு கொண்டு செல்லப்பட்ட எலிசபெத் ராணி கடந்த 8 ஆம் தேதி லண்டனில் உடல்நலக்குறைவு காரணமாக காலமானார்.

எலிசபெத் மரணத்தை தொடர்ந்து அவரது மகன் சார்லஸ் நேற்று முந்தினம் பிரிட்டன் மன்னராக முடிசூட்டிக் கொண்டார். எலிசபெத் மரணத்தை தொடர்ந்து பல்வேறு பிரபலங்கள் இரங்கல் தெரிவிக்க இது தொடர்பான செய்திகளே சமூக வலைதளங்களை ஆக்கிரமித்து உள்ளன.

இளவரசி டயானா

சார்லஸ் மன்னராக முடிசூட்டிக் கொண்ட இந்த நேரத்தில் பிரிட்டன் இளவரசி டயானாவை பலரும் நினைவு கூர்ந்து வருகின்றனர். ஆசிரியையாக இருந்து மன்னர் குடும்பத்து இளவரசியான டயானாவின் மரணம் இன்றும் உலகவில் மர்ம முடிச்சாகவே உள்ளது. டயானா உயிரோடு இருந்திருந்தால் இன்று அவர் இங்கிலாந்து ராணியாகி இருப்பார்.

மர்ம மரணம்

கடந்த 1997 ஆம் ஆண்டு டயானா ஒரு கார் விபத்தில் உயிரிழந்தார். இதன் காரணமாகவே சார்லஸின் இரண்டாவது மனைவி கமீலா தற்போது பிரிட்டன் ராணியாக பதவியேற்று இருக்கிறார். கமீலா உடனான உறவால் டயானாவுக்கும் அவரது சார்லஸுக்கும் இடையே திருமண உறவு சுமூகமாக இல்லை என்றும், அரச குடும்பத்தை சேர்ந்தவர்களுக்கு டயானா இளவரசியானதில் விருப்பமில்லை என்றும் கூறப்பட்டது.

டயானா பேட்டி

பிபிசி தொலைக்காட்சியில் பத்திரிகையாளர் மார்ட்டின் பஷீர் எடுத்த நேர்காணலில் கலந்துகொண்ட இளவரசி டயானாவிடம், "மகாராணி எலிசபெத்துக்கு பிறகு இளவரசர் சார்லஸுக்கு பதிலாக இளவரசர் வில்லியமுக்கு மன்னர் பதவி கிடைத்தால் சரியாக இருக்குமா?" என்று கேள்வி எழுப்பினார். தொடக்கத்தில் அதற்கு பதிலளிக்க மறுத்த டயானா, பின்னர் "ஆம்" என்று கூறியதால் அரச குடும்பமே அதிர்ந்துபோனது.

உதவியாளர் பேட்டி

இளவரசி டயானாவுக்கு உணவு பரிமாறுபவராக இருந்த பால் புர்ரேல் என்பவரிடம் அவர், என்னுடைய கணவர் சார்லஸுக்கு மன்னராவதற்கான தகுதி இல்லை என்று கூறி உள்ளார். கடந்த 2018 ஆம் ஆண்டு பால் புர்ரேல் அளித்த பேட்டியில், "இங்கிலாந்து மன்னராக சார்லசும், ராணியாக கமீலாவும் அமர்வதை நாம் காணமாட்டோம் என நினைக்கிறேன்." என்று கூறியுள்ளார்.

English summary

Britain princess Diana said that current king Charles is not be eligible for King of Britian in a television interview. She also said the same statement to her assistant Paul Burrel. Diana's accidental death on 1997 car crash shookes the world.