சொன்னதை செய்த வருண்... குதூகலித்த குழந்தைகள்... அன்பு கூட்டணியில் இணைந்த அக்ஷரா

சென்னை: நிகழ்ச்சியை விட்டு வெளியே வந்த வருண் செய்த செயல் தற்போது பலரையும் பெருமைப்பட வைத்துள்ளது.

ஏற்கனவே பிக்பாஸ் வீட்டிற்குள் சொன்னதை தற்போது நிறைவேற்றி பல குழந்தைகளின் புன்னகைக்கு காரணமாக மாறி இருக்கிறார்.

பிக் பாஸ் விட்டு வெளியே வந்த அக்ஷரா மற்றும் வருண் இருவரும் சேர்ந்து பலபேருக்கு சந்தோசத்தை கொடுத்துள்ளனர்.

திரை குடும்பத்து பிரபலம்

பிக் பாஸ் நிகழ்ச்சியில் பல போட்டியாளர்கள் கலந்து கொண்டிருந்தனர். திரை குடும்பத்தில் பிறந்து வளர்ந்த வருண் இந்த நிகழ்ச்சியில் ஒரு போட்டியாளராக கலந்து கொண்டு தன்னுடைய திறமையை காட்ட வேண்டும் என்பதற்காக இவர் இந்த நிகழ்ச்சியில் கலந்து கொண்டிருந்தார். தற்போது அவருடைய பிறந்த நாள் அந்த பிக் பாஸ் வீட்டிற்குள் சிறப்பாக கொண்டாடப்பட்டது. வருண் பிறந்த நாளன்று அவர் அணிந்திருந்த ஆடையை அவருக்கு மிகவும் பிடித்த குருகுலத்தை சேர்ந்த குழந்தைகள் ரெடி பண்ணி கொடுத்து இருந்ததாம். அதனால் இந்த நிகழ்ச்சியை விட்டு வெளியே வந்ததும் அவர்களை வந்து பார்ப்பேன் என்று கூறியிருந்தார்.

குழந்தைகளின் அன்பு பரிசு

ஏற்கனவே பலமுறை தான் அந்த இடத்திற்கு சென்று குழந்தைகளோடு குழந்தையாக விளையாடி இருக்கிறேன் ஆனால் தற்போது இவர்கள் எனக்கு தந்த கிப்ட் மிகப்பெரியது. அது மட்டுமல்லாமல் மிகவும் சிறப்பானது என்று கூறியிருக்கிறார். நிகழ்ச்சியில் பிறந்தநாளன்று இவர் போட்டிருந்த உடையில் கையாலே எம்ப்ராய்டிங் செய்து சிறப்பாக கொடுத்திருந்த குழந்தைகளை நானும் வந்து பார்க்க வேண்டுமென்று அக்ஷரா விருப்பத்தை தெரிவித்திருந்தார். தற்போது இவர்கள் இருவரும் அந்த குழந்தைகளை சென்று நேரில் சந்தித்து உள்ளனர்.

குழந்தைகளின் வாழ்த்துக்கள்

இவர்களைப் பார்த்ததும் குழந்தைகள் ஒரு பக்கம் குதூகளித்து கொண்டிருக்கும் நிலையில் அவர்களைப் பார்த்து இவர்களும் தங்களுடைய சந்தோசத்தை வெளிக்காட்டி இருக்கின்றனர். வருண் நடித்த ஜோஸ்வா திரைப்படத்தின் டிரைலர் பிக்பாஸ் நிகழ்ச்சியில் ஏற்கனவே ஒளிபரப்பப்பட்டு இருந்தாலும் அந்த டிரைலரை அந்தக் குழந்தைகளிடம் காட்டி உள்ளார். அதை பார்த்த குழந்தைகள் சந்தோஷமாக நடிப்பு சூப்பராக இருக்கிறது என்று இவருக்கு வாழ்த்துக்களை கூறி வந்துள்ளனர். அதை தன்னுடைய இன்ஸ்டாகிராமில் வருண் பகிர்ந்துள்ளார்.

சொன்னதை செய்த வருண்

வருண் செயல்பாடு பார்த்து ரசிகர்கள் குளிர்ந்து போய் உள்ளனர். பலர் அவருக்கு வாழ்த்துக்களையும், அந்த குழந்தைகளுக்கு ஆசீர்வாதங்களையும் வழங்கி வருகின்றனர். பலர் பிக் பாஸ் வீட்டிற்குள் இருக்கும் போது தான் ஜெயிக்க வேண்டும் என்பதற்காகவும், சிம்பதி கிடைக்க வேண்டும் என்பதற்காகவும் பல்வேறு விஷயங்களை சொல்லிக் கொண்டிருப்பார்கள். ஆனால் வெளியே சென்ற பிறகு அதைப்பற்றி ஒரு நடவடிக்கையும் எடுக்க மாட்டார்கள். ஆனால் வருண் சொன்னதை அப்படியே செய்து விட்டார் என்று அவருக்கு ரசிகர்களின் மத்தியில் ஆதரவு அதிகரித்து வருகிறது.

English summary

Varun's action in leaving the show has made many people proud now.He has already fulfilled what Bigg Boss said inside the house and has now become the cause of many children’s smiles. Akshara and Varun, who came out of Bigg Boss, have given joy to many together.