செல்போன் பயன்பாட்டால் எலும்புகள் பாதிக்கும்: ஆய்வு

By Siva

Published: Sunday, March 27, 2011, 10:50 [IST]

Subscribe to Oneindia Tamil

வாஷிங்டன்: செல்போனில் இருந்து வெளியாகும் மின்காந்த அலைகளால் எலும்புகள் பாதிக்கும் அபாயம் அதிகம் உள்ளதாக ஒரு ஆய்வில் கண்டுபிடிக்கப்பட்டுள்ளது.

ஏராளமான ஆண்கள் தங்கள் பெல்டின் வலப்பக்கம் செல்போன்கள் வைத்திருப்பது வழக்கம். அவ்வாறு செல்போனை இடுப்பிலேயே வைத்திருப்பவர்களுக்கு வலப்பக்க இடுப்பு எலும்பின் உறுதி குறைகிறது என்று நேஷனல் பல்கலைக்கழகத்தைச் சேர்ந்த டாக்டர். பெர்னான்டோ டி ஸ்ராவி தெரிவித்துள்ளார்.

இதே போன்று செல்போனை பேன்ட் பாக்கெட்டில் வைத்திருப்பவர்களுக்கு தொடை எலும்பின் உறுதி குறைந்து வலுவிழக்கும் வாய்ப்பு அதிகம் உள்ளதாம். செல்போனை எவ்வளவு நேரம் பாக்கெட்டிலோ, பெல்டிலோ வைத்திருக்கிறார்களோ அதற்கேற்ப பாதிப்பின் விகிதம் மாறுபடும்.

எந்த அளவு செல்போனை உடலிலிருந்து விலக்கியே வைத்திருக்கிறோமோ அந்த அளவுக்கு உடலுக்கும் நல்லது, எலும்புக்கும் நல்லது.

Published On March 27, 2011