Gold Rate Today: காலை சவரனுக்கு ரூ 560 குறைந்த தங்கம் விலை! சென்னையில் மாலையில் அதிர்ச்சி

Updated: Thursday, October 2, 2025, 16:48 [IST]

Subscribe to Oneindia Tamil

சென்னை: சென்னையில் தங்கத்தின் விலை இன்று (அக்டோபர் 2) சவரனுக்கு ரூ 560 குறைந்து ஒரு சவரன் ரூ 87,040-க்கு விற்பனையான நிலையில் தற்போது மாலையில் சவரனுக்கு ரூ 560 உயர்ந்து ஒரு சவரன் ரூ 87,600-க்கு விற்பனை செய்யப்படுகிறது. அது போல் கிராமுக்கு ரூ 70 உயர்ந்து ஒரு கிராம் ரூ 10,950-க்கு விற்கப்படுகிறது. வெள்ளி விலை கிராமுக்கு ரூ 1 உயர்ந்து ஒரு கிராம் ரூ 164-க்கு விற்பனையாகிறது. ஒரு கிலோ வெள்ளி ரூ 1,64,000 ஆகும். இது போல் கடந்த சில நாட்களாக தங்கம் விலை ஒரே நாளில் இரு முறை மாற்றங்களை கண்டு வருகிறது.

சர்வதேச பொருளாதார சந்தைகளில் தங்கத்தின் விலை மாறிக் கொண்டே வருகிறது. இதன் விலை ஏறவும் செய்கிறது. இறங்கவும் செய்கிறது. இதற்கு காரணமாக அமெரிக்கா அதிபராக டிரம்ப் பதவியேற்றது, உலகில் பல்வேறு இடங்களில் நடக்கும் போர் உள்ளிட்டவைகளால் தங்கம் விலை அதிகரித்து வருகிறது.

கடந்த அக்டோபர் மாதம் தங்கத்தின் விலை குறைந்தபட்சமாக 1 ஆம் தேதி ஒரு சவரன் ரூ.77,640-க்கு விற்பனையாகியுள்ளது. அதிகபட்சமாக 30-ஆம் தேதி ஒரு சவரன் ரூ. 86,880- க்கு விற்பனையானது. கடந்த அக்டோபர் மாதத்தின் தொடக்கத்தில் சவரன் ரூ 77 ஆயிரத்தை தாண்டிய நிலையில் முடிவில் ரூ 86 ஆயிரத்தை தாண்டியது.

அக்டோபர் 2 ஆம் தேதியான இன்று காலை கிராமுக்கு ரூ 70 குறைந்து ஒரு கிராம் ரூ 10,880-க்கும், சவரனுக்கு ரூ 560 குறைந்து ஒரு சவரன் ரூ 87,040-க்கும் விற்பனை செய்யப்பட்டது. ஆனால் தற்போது மாலையில் சவரனுக்கு ரூ 560 உயர்ந்து ஒரு சவரன் ரூ 87,600-க்கும் ஒரு கிராம் ரூ 10,950-க்கும் விற்பனை செய்யப்படுகிறது. தங்கம் விலையில்தான் ஒரே நாளில் இரு முறை மாற்றம் என்றால் வெள்ளியின் விலையிலும் காலை ரூ 3 உயர்ந்த நிலையில் மாலையில் ரூ 1 உயர்ந்துள்ளது. அதாவது இன்று ஒரே நாளில் கிராமுக்கு ரூ 4 உயர்ந்துள்ளது.

அமெரிக்கா அதிபர் டிரம்ப் விதித்திருக்கும் வரிகளால் உலகஅளவில் ஏற்பட்டிருக்கும் பொருளாதார நிலையற்றத் தன்மை, இந்தியா உள்ளிட்ட நாடுகளுக்கு அமெரிக்கா விதித்த அதிகபட்ச இறக்குமதி வரி, சர்வதேச பங்கு சந்தைகளின் வீழ்ச்சி, டாலர் மதிப்பு குறைந்து வருவது உள்ளிட்ட பல்வேறு காரணிகளால் உலகளவில் தங்கத்தின் விலை வரலாறு காணாத உச்சத்தை தொட்டுள்ளது என பொருளாதார நிபுணர்கள் தெரிவிக்கிறார்கள்.

இன்று விஜயதசமி விழாக் கொண்டாடப்படும் நிலையில் தங்கம் விலை குறைந்துள்ளது மகிழ்ச்சியை ஏற்படுத்தியுள்ளது. என்னதான் விஜயதசமிக்கும் தங்க மார்க்கெட்டிற்கும் சம்பந்தம் இல்லாவிட்டாலும் நல்ல நாளில் விலை குறைந்துள்ளது மக்களுக்கு குதூகலத்தை ஏற்படுத்தியுள்ளது.