35 லட்சம் கல்லூரி மாணவர்களுக்கு லேப்டாப்.. திமுக அளித்த மேஜர் வாக்குறுதி!

சென்னை: உயர்கல்வி பயிலும் மாணவர்கள் 35 லட்சம் பேருக்கு லேப்டாப் வழங்கப்படும் என திமுக தலைவரும், தமிழக முதல்வருமான மு.க.ஸ்டாலின், 2026 சட்டசபை தேர்தலையொட்டி வாக்குறுதி அளித்துள்ளார்.

தமிழக சட்டசபை தேர்தல் நெருங்கி வரும் நிலையில், அரசியல் கட்சிகள் தேர்தல் அறிக்கைகளை வெளியிட்டு வருகின்றன. அந்தவகையில், திமுக தலைவரும், தமிழக முதல்வருமான மு.க.ஸ்டாலின், 2026 சட்டமன்றத் தேர்தலுக்கான தேர்தல் அறிக்கையை இன்று வெளியிட்டுள்ளார்.

அதன்படி, உயர்கல்வி பயிலும் மாணவர்கள் 35 லட்சம் பேருக்கு லேப்டாப் வழங்கப்படும் என திமுக தேர்தல் அறிக்கையில் அறிவிக்கப்பட்டுள்ளது.

கடந்த 2011 சட்டசபை தேர்தலின்போது அரசு மற்றும் அரசு உதவி பெறும் பள்ளிகளில் பயிலும் மாணவர்களுக்கு லேப்டாப்கள் வழங்கும் திட்டம் அதிமுக தேர்தல் அறிக்கையில் அறிவிக்கப்பட்டு, பின்னர் ஜெயலலிதா ஆட்சிக்கு வந்த பின்னர் செயல்படுத்தப்பட்டது.

திமுக 2021 சட்டசபை தேர்தலின்போது, கல்லூரி மாணவர்களுக்கு டேப்லட் வழங்கப்படும் என வாக்குறுதி அளித்திருந்தது. பின்னர், டேப்லட் அல்லது லேப்டாப் வழங்கப்படும் என அறிவிக்கப்பட்டது.

திமுக அரசு கடந்த பட்ஜெட்டின்போது, 2 ஆண்டுகளில் சுமார் 20 லட்சம் மாணவர்களுக்கு இலவச லேப்டாப் வழங்கப்படும் என நிதி அமைச்சர் தங்கம் தென்னரசு அறிவித்தார். அதற்காக ரூ.2000 கோடி ஒதுக்கப்பட்டது. கல்லூரி மாணவர்களுக்கு லேப்டாப் வழங்கும் திட்டத்தை கடந்த சில மாதங்களுக்கு முன்பு முதல்வர் ஸ்டாலின் தொடங்கி வைத்திருந்தார்.

இந்நிலையில், இந்த தேர்தலிலும் இளைஞர்கள், மாணவர்களைக் கவரும் வகையில், உயர்கல்வி படிக்கும் 35 மாணவர்களுக்கு மடிக்கணினி வழங்கப்படும் என திமுக வாக்குறுதி அளித்துள்ளது.

English summary

DMK President and Tamil Nadu Chief Minister MK Stalin has promised that laptops will be provided to 35 Lakhs students pursuing higher education, ahead of the 2026 Assembly elections.