நடிகர் சூர்யாவிற்கு குவியும் ஆதரவு.. ட்வீட்டரில் டிரெண்டாகும் வைரல் ஹேஷ்டேக்.. பாமகவிற்கு எதிர்ப்பு!

Updated: Monday, November 15, 2021, 12:19 [IST]

Subscribe to Oneindia Tamil

சென்னை: நடிகர் சூர்யாவிற்கு ஆதரவாக இணையத்தில் தற்போது #WeStandWithSuriya என்ற டேக் டிரெண்டாகி வருகிறது. தேசிய அளவில் இந்த டேக் வைரலாகி வருகிறது.

கதை

இருளர்கள் உள்ளிட்ட பழங்குடி மக்களும், தாழ்த்தப்பட்டவர்களும் எதிர்கொள்ளும் அதிகார அழுத்தம், இன்னல்கள், போலீஸ் டார்ச்சர் என்று பல விஷயங்களை இந்த படம் பேசுகிறது. பொய் கேசில் சிறைக்கு செல்லும் ராஜ்கண்ணு, அவரின் மனைவி பார்வதி ஆகியோரின் நிஜ வாழ்க்கை வரலாற்றை அடிப்படையாக வைத்து இந்த கதை புனையப்பட்டு உள்ளது. இந்த படத்திற்கு அரசியல் தலைவர்கள் பலரும் கூட ஆதரவு தெரிவித்து இருந்தனர்.

முதல்வர்

முதல்வர் ஸ்டாலின் இந்த படத்தை பார்த்துவிட்டு பாராட்டி இருந்தார். அதேபோல் விடுதலை சிறுத்தைகள் கட்சி தலைவர் எம்பி திருமாவளவன் படத்தை பார்த்துவிட்டு பாராட்டி இருந்தார். சிபிஐ, சிபிஎம் தலைவர்கள் பலரும் இதே படத்தை பாராட்டி இருந்தனர். ஆனால் பாமகவினர் பலர் இந்த படத்திற்கு எதிர்ப்பு தெரிவித்து இருந்தனர். பாமக எம்பி அன்புமணி ராமதாஸ் இந்த படத்தை பார்த்துவிட்டு நடிகர் சூர்யாவிற்கு 9 கேள்விகள் எழுப்பி இருந்தார்.

சூர்யா பதில்

இதற்கு சூர்யாவும் பதில் அளித்து இருந்தார். இந்த நிலையில்தான் இந்த படத்தின் காட்சி ஒன்றில் இருக்கும் காலண்டர் குறிப்பிட்ட சமூகத்தை விமர்சனம் செய்வது போல இருப்பதாக பாமகவினரும், குறிப்பிட்ட சமூகத்தினரும் கருத்து தெரிவித்து இருந்தனர். இதனால் இணையத்தில் ஜெய் பீம் குறித்த பெரிய விவாதம் ஏற்பட்டது.

விவாதம்

இதையடுத்து நேற்று மயிலாடுதுறையில் நடிகர் சூர்யாவின் வேல் படத்தை திரையிட எதிர்ப்பு தெரிவித்து பாமகவினர் போராட்டம் செய்தனர். அதோடு மயிலாடுதுறைக்கு சூர்யா வரும்போது அவரை தாக்கும் நபர்களுக்கு 1 லட்சம் ரூபாய் வழங்கப்படும் என்றும் பாமக மயிலாடுதுறை மாவட்ட நிர்வாகம் தெரிவித்துள்ளது. நேற்று பாமகவினர் போராட்டத்தால் இந்த படமும் நிறுத்தப்பட்டது.

படம் நிறுத்தம்

இந்த நிலையில்தான் சூர்யாவிற்கு ஆதரவாக இணையத்தில் பலர் ட்வீட் செய்து வருகிறார்கள். சூர்யாவிற்கு ஆதரவாக இணையத்தில் தற்போது #WeStandWithSuriya என்ற டேக் டிரெண்டாகி வருகிறது. தேசிய அளவில் இந்த டேக் வைரலாகி வருகிறது. சூர்யா ரசிகர்கள் மட்டுமின்றி, சினிமா ரசிகர்கள் பலர் ஒன்று கூடி ட்வீட் செய்து வருகிறார்கள். பாமகவிற்கு எதிராக பலர் இதில் ட்வீட் செய்துள்ளனர்.

வைரல்

சினிமா உலகினர் சூர்யாவிற்கு ஆதரவாக இருக்க வேண்டும் என்று பலரும் கோரிக்கை விடுத்துளள்னர். சூர்யாவை தாக்க வேண்டும் என்று பாமக மாவட்ட நிர்வாகம் விடுத்த மிரட்டலுக்கு எதிராக பலர் ட்வீட் செய்து வருகிறார்கள். நடிகர்கள் சங்கம் தயாரிப்பாளர்கள் சங்கம் சினிமா டெக்னிஷியர்கள் சங்கம் போன்ற அமைப்புகள் அரசியல் அழுத்தத்திற்கு எதிராக சூர்யாவிற்கு துணை நிற்க வேண்டும் என்று கோரிக்கை விடுத்துள்ளனர்.