இளைய தளபதியே...உதயநிதியை அன்று வாழ்த்திய கு.க. செல்வம் - இன்று ஏசுவது ஏன்?
தன்னலமின்றி இளைஞர் அணி பொறுப்பேற்று மக்கள் பணியை சிறப்பாக செய்து கொண்டிருக்கும் இளைய தளபதியே என்று கடந்த மாதம் தனது ட்விட்டர் பக்கத்தில் வாழ்த்தியுள்ள கு.க செல்வம் இப்போது உதயநிதிக்கு எதிராக பேசி வருவ
சென்னை: திமுகவில் மூத்தவர்களுக்கு மரியாதை இல்லை என்றும் உதயநிதி பேச்சுதான் எடுபடுகிறது என்றும் 55 வயதான திமுகவினர் பாஜகவில் இணையுங்கள் என கு க செல்வம் பிரசாரம் செய்து வருகிறார். இதே செல்வம்தான் கடந்த மாதம் தனது ட்விட்டர் பக்கத்தில் உதயநிதியை வாழ்த்தி போஸ்ட் போட்டிருக்கிறார். அந்த பதிவை எடுத்து திமுகவினர் ட்ரோல் செய்து வருகின்றனர். அது வேற வாய்...என்றும் கிண்டலடித்து வருகின்றனர்.
உதயநிதி ஸ்டாலின் திமுக இளைஞரணி செயலாளராக பதவியேற்று ஓராண்டு நிறைவடைந்ததை முன்னிட்டு கடந்த ஜூலை 4ஆம் தேதி கு.க. செல்வம் தனது ட்விட்டர் பக்கத்தில் உதயநிதியை வாழ்த்தி பதிவிட்டுள்ளார்.
அந்த பதிவில் நாட்டுக்காகவும், நாட்டு மக்கள் நலனுக்காகவும் புரட்சிக்கலைஞரின் கொள்கையை ஏற்று தலைவர் மு.க ஸ்டாலின் ஆசி பெற்ற தனது வழி என்று தன்னலமின்றி இளைஞரணி செயலாளர் பொறுப்பேற்று தனது மக்கள் பணியை சிறப்பாக செய்து கொண்டிருக்கும் இளைய தளபதியே உதயநிதி ஸ்டாலின் ஓராண்டு நிறைவு பெற்று இரண்டாம் ஆண்டில் அடி எடுத்து வைக்கிறார்.அவர் மேன் மேலும் தனது பணியை தொடர வாழ்த்துக்கள் என்று பதிவிட்டுள்ளார்.
இந்த வாழ்த்து பதிவிட்டு ஒரு மாதம் கூட நிறைவடையாத நிலையில் தற்போது உதயநிதி ஸ்டாலினுக்கு எதிராக போர்க்கொடி உயர்த்தியுள்ளார் கு.க. செல்வம். அந்த பதிவை போட்டோ எடுத்து திமுகவினர் பலரும் தங்களின் ட்விட்டர் பக்கங்களில் போட்டு வைரஸ் செய்து வருகின்றனர்.
Recommended Video
கு.க. செல்வம் குறித்து பேச ஒன்றும் இல்லை.. அவரை பொருட்டாகவே கருதவில்லை.. துரைமுருகன் பொளேர்