மணி பவுலை இந்த இடத்தில் மட்டும் வைக்காதீங்க.. அப்புறம் பணம் கையில் தங்கவே தங்காது.. வாஸ்து டிப்ஸ்

சென்னை: வாழ்க்கையில் எவ்வளவுதான் கஷ்டப்பட்டு உழைத்தாலும், கையில் பணம் தங்குவதே இல்லை என்பது பலரின் தீர்க்க முடியாத கவலையாக இருக்கிறது. . ஆனால், நாம் வாழும் இல்லத்தில் இருக்கும் ஒரு சில வாஸ்து குறைபாடுகள் அல்லது நாம் அன்றாடம் செய்யும் ஒரு சிறு தவறுதான் நம்முடைய பொருளாதார வளர்ச்சியைத் தடுத்துக் கொண்டிருக்கிறது என்கிறார்கள் வாஸ்து நிபுணர்கள். குறிப்பாக, ஒரு குறிப்பிட்ட தவறு உங்கள் வீட்டில் இருந்தால், அங்கு மகாலட்சுமி வாசம் செய்ய மாட்டார் என்றும், செல்வம் எப்போதும் நிலைக்காது என்றும் எச்சரிக்கின்றனர்.

வாஸ்து சாஸ்திரத்தின்படி, ஒரு வீட்டின் செல்வ வளத்தைத் தீர்மானிப்பதில் அந்த வீட்டின் நுழைவாயில் மற்றும் வடகிழக்கு திசை மிக முக்கியப் பங்கு வகிக்கிறது. ஆனால், அதைவிட முக்கியமாக நிபுணர்கள் சுட்டிக்காட்டுவது வீட்டின் "நீர் கசிவு" பிரச்சினையைத்தான்.

வீட்டில் பணம் தங்க

உங்கள் வீட்டில் உள்ள குழாய்களில் தண்ணீர் சொட்டு சொட்டாகக் கசிந்து கொண்டிருந்தால், அது உங்கள் வீட்டில் இருக்கும் செல்வம் கொஞ்சம் கொஞ்சமாக வெளியேறுவதற்குச் சமம் என்று வாஸ்து ரீதியாகக் கருதப்படுகிறது.

நீர் என்பது செல்வத்தின் அடையாளமாகக் பார்க்கப்படுகிறது. குழாயிலிருந்து வீணாக வெளியேறும் ஒவ்வொரு சொட்டு நீரும், உங்கள் சேமிப்பை கரைக்கும் எதிர்மறை ஆற்றலை உருவாக்கும். எனவே, சமையலறை அல்லது குளியலறையில் குழாய்கள் பழுதாகி இருந்தால், அதை உடனடியாகச் சரி செய்வது மிக அவசியமான ஒன்றாகும்.

ஈசானிய மூலை பொருட்கள்

அதேபோல், வீட்டின் வடகிழக்கு மூலை எனப்படும் ஈசானிய மூலையில் அதிக பாரமான பொருட்களை வைப்பதும், அந்த இடத்தை அசுத்தமாக வைத்திருப்பதும் மிகப்பெரிய வாஸ்து தோஷமாகக் கருதப்படுகிறது. வடகிழக்கு என்பது தெய்வங்கள் குடி கொள்ளும் இடமாகவும், நேர்மறை ஆற்றல் வீட்டிற்குள் நுழையும் வழியாகவும் இருக்கிறது.

இந்த இடத்தில் பழைய இரும்புப் பொருட்கள், குப்பைகள் அல்லது துடைப்பம் போன்றவற்றை வைத்தால், வீட்டிற்குள் வரும் பண வரத்து தடைபடும். அந்த இடம் எப்போதும் காலியாகவும், வெளிச்சமாகவும், தூய்மையாகவும் இருக்க வேண்டும். இந்த இடத்தில் அழுக்கு சேர விடுவது குபேரனின் அருளைத் தடுக்கும் என்று சொல்லப்படுகிறது.

வாஸ்து டிப்ஸ்

இன்னொரு முக்கியமான விஷயம் என்னவென்றால், மாலையில் சூரியன் மறையும் நேரத்தில் அதாவது பிரதோஷ காலத்தில் தூங்குவதோ அல்லது வீட்டை இருட்டாக வைத்திருப்பதோ கூடாது. மாலை நேரத்தில் வீட்டில் விளக்கேற்றி, வாசலில் தண்ணீர் தெளித்து கோலமிடுவது செல்வத்தை ஈர்க்கும் ஒரு வழியாகும்.

வீட்டின் நிலவாசல் படியில் அமர்வது அல்லது அங்கு துணிகளைப் போடுவது போன்ற செயல்களைத் தவிர்க்க வேண்டும். நிலவாசல் என்பது லட்சுமி தேவி வீட்டிற்குள் வரும் இடமாகும். அந்த இடத்தை எப்போதும் மஞ்சள் மற்றும் குங்குமம் வைத்து மங்கலமாகப் பராமரிப்பதன் மூலம் பணத் தட்டுப்பாட்டை நீக்க முடியும்.

பணம் வீட்டில் தங்க

அதேபோல உங்கள் வீட்டின் அலமாரிகளில் பணத்தை வைக்கும் போது, அந்த அலமாரி வடக்கு திசை நோக்கித் திறக்கும்படி பார்த்துக் கொள்ளுங்கள். வடக்கு திசை குபேரனுக்கு உரியது என்பதால், அந்தத் திசையிலிருந்து வரும் ஆற்றல் பணத்தைப் பன்மடங்கு பெருக்க உதவும்.

தேவையற்ற எதிர்மறை எண்ணங்களை விடுத்து, வீட்டைத் தூய்மையாகவும், நறுமணமிக்கதாகவும் வைத்திருந்தாலே செல்வம் தானாகத் தேடி வரும். இந்தச் சிறிய மாற்றங்களை உங்கள் வீட்டில் கடைபிடிப்பதன் மூலம், நீண்ட நாட்களாக நீடித்து வரும் பணப் பற்றாக்குறையிலிருந்து விடுபட்டு, பொருளாதாரத்தில் பெரிய மாற்றத்தைக் காண முடியும் என்று வாஸ்து நிபுணர்கள் உறுதியாகக் சொல்கிறார்கள்.

மணி பவுல் மகிமை

அதுமட்டுமல்ல, வீட்டில் செல்வத்தை ஈர்ப்பதற்கு வாஸ்து சாஸ்திரத்தில் "மணி பவுல்" (Money Bowl) அல்லது நாணயங்கள் நிரப்பப்பட்ட கிண்ணம் வைப்பது ஒரு சிறந்த வழியாகப் பரிந்துரைக்கப்படுகிறது.

ஒரு கண்ணாடி அல்லது பித்தளைக் கிண்ணத்தில் சில நாணயங்களை இட்டு, அதனுடன் பச்சை கற்பூரம் அல்லது ஒரு சிறிய துண்டு இலவங்கப்பட்டையைச் சேர்த்து வைப்பதன் மூலம் நேர்மறை ஆற்றல் தூண்டப்படும்.. இந்தக் கிண்ணத்தை உங்கள் வீட்டின் வரவேற்பறையில் அல்லது பணம் வைக்கும் அலமாரிக்கு அருகே வடக்கு அல்லது கிழக்கு திசை நோக்கி வைப்பது விசேஷமானது..

நாணயங்கள் நிறைந்த இந்தக் கிண்ணம் கண்ணில் படும்படி இருப்பது, வீட்டில் பணப்புழக்கத்தை அதிகரிக்கச் செய்து தடையற்ற செல்வ வளத்தை ஈர்க்கும் ஒரு காந்தமாகச் செயல்படும் என்று வாஸ்து நிபுணர்கள் கூறுகின்றனர்.. இவ்வாறு செய்வதன் மூலம் நிதி நெருக்கடிகள் நீங்கி, வீட்டில் சுபிட்சம் பெருகுமாம்..!!

English summary

Never place the Money Bowl here or Your Money Won’t Stay! Vastu Warning