இளவரசி கேட் மிடில்டனுக்கு இரட்டை பெண் குழந்தைகள் பிறக்கப் போகுதாம்!
லண்டன்: இங்கிலாந்து இளவரசி கேட் மிடில்டனுக்கு இரட்டை குழந்தைகள் அதுவும் பெண் குழந்தைகள் பிறக்கப் போகிறது என்று ஸ்டார் பத்திரிக்கை செய்தி வெளியிட்டுள்ளது.
இங்கிலாந்து இளவரசர் வில்லயிம், கேட் மிடில்டன் தம்பதிக்கு ஜார்ஜ் என்ற மகன் உள்ளார். இந்நிலையில் கேட் இரண்டாவது முறையாக கர்ப்பமாக உள்ளார். அவர் கர்ப்பமான செய்தியை அரண்மனை அதிகாரப்பூர்வமாக அறிவித்ததில் இருந்து பிறக்கப் போவது ஆணா, பெண்ணா என்று இங்கிலாந்து மக்கள் பந்தயம் கட்டி வருகிறார்கள்.
இந்நிலையில் ஸ்டார் பத்திரிக்கை தனது அக்டோபர் மாத பதிப்பில் கேட் குறித்த செய்தியை வெளியிட்டுள்ளது.
இரட்டை குழந்தை
தனக்கு இரட்டைக் குழந்தைகள் அதுவும் பெண் குழந்தைகள் பிறக்கப் போவதாக கேட் அரண்மனைவாசிகளிடம் தெரிவித்துள்ளதாக ஸ்டார் பத்திரிக்கை செய்தி வெளியிட்டுள்ளது.
பெண்
முதல் குழந்தை ஆணாக பிறந்ததால் அடுத்தது பெண்ணாக பிறக்க வேண்டும் என்று கேட் விரும்பினார்.
பரிசோதனை
அண்மையில் கேட் மிடில்டன்னுக்கு நடத்தப்பட்ட பரிசோதனையில் தான் அவருக்கு இரட்டைக் குழந்தைகள் என்பது தெரிய வந்ததாம்.
பெயர்
கேட் தனக்கு பிறக்கப் போகும் குழந்தைகளுக்கு என்ன பெயர் வைப்பார் என்று ஏற்கனவே ஒரு கூட்டம் பந்தயம் கட்ட துவங்கிவிட்டது.