பாசிட்டிவ் விமர்சனங்களை பெற்று பட்டைய கிளப்பிய தல்லுமாலா.. ரசிகர்களை குஷிபடுத்திய ரிலீஸ் அறிவிப்பு

சென்னை: மலையாளத் திரை உலகின் இந்த ஆண்டின் மிகப்பெரிய பிளாக்பஸ்டர் திரைப்படங்களில் ஒன்றான "தல்லுமாலா", திரைப்படத்தின் ஓடிடி ரிலீஸ் குறித்த அறிவிப்பு மலையாள சினிமா ரசிகர்களிடையே மகிழ்ச்சியை கொடுத்துள்ளது.

இன்றைய இளைஞர்களுக்கு ஏற்ற படமாக இருப்பதாலும், ஆக்சன் மற்றும் பிளாக் காமெடி கலந்த இப்படத்தை காண ரசிகர்கள் காத்திருப்பதாக கமெண்ட்களில் பதிவிட்டு வருகின்றனர்.

நடிகர்-நடிகைகள்-டெக்னீசியன்கள்

பிரபல மலையாள இயக்குனர் காலித் ரகுமான் இயக்கத்தில், கதாநாயகனாக டொவினோ தாமஸ்,கதாநாயகியாக கல்யாணி பிரியதர்ஷன், மற்றும் முக்கிய கதாபாத்திரத்தில் சைன் டாம் சாக்கோ இணைந்து இப்படத்தில் நடித்துள்ளனர். விஷ்ணு விஜய் படத்திற்கு இசையமைத்துள்ளார். ஜிம்சி காலித் இப்படத்திற்கு ஒளிப்பதிவு பணிகளை சிறப்பாக கையாண்டுள்ளார்.சண்டைக் காட்சிகள் சிறப்பான வரவேற்பை பெற்றுள்ள இப்படத்தில் இயக்குனர் மற்றும் ஒளிப்பதிவாளருக்கு இணையாக தனது உழைப்பை கொடுத்து சண்டைக் காட்சிகள் அமைத்துள்ளார் சுப்ரீம் சுந்தர்.

கதை சுருக்கம்

படத்தின் துவக்கத்தில் கதாநாயகன் கதாநாயகி என்கேஜ்மென்ட நிகழ்ச்சி சென்று கொண்டிருக்கும் பொழுது, அந்த நேரத்தில் ஏற்படும் ஒரு சண்டையால் அந்தத் திருமணமே நிறுத்தப்படுகிறது. அந்த சண்டை ஏற்படுவதற்கான காரணம் என்ன என்ற முன் கதையை பல பிளாஸ்பேக்குகளில் நான் லீனியராக சொல்லியிருப்பது தான் படத்தின் கதை. பிளாக் காமெடி படத்தில் கொஞ்சம் ஆக்சன் டோஸை அதிகமாக சேர்த்து இருந்தாலும் மலையாளத்தில் இளைஞர்களிடையே மிகப் பெரிய வரவேற்பு பெற்று இருந்தது இந்த படம்.

படத்தின் தரம்

கொஞ்சம் கூட கோபத்தை கண்ட்ரோல் பண்ண தெரியாத கதாநாயகன் வாழ்க்கையில் நடக்கும் கதை என்பதால், படத்தில் 15 நிமிடங்களுக்கு ஒரு முறை ஆக்சன் காட்சிகள் வந்து கொண்டே இருக்கும். இருந்தாலும் எவ்வித சலிப்புமின்றி ரசிக்கும் வண்ணம் ஸ்டண்ட் இயக்குனர், கேமராமேன், மற்றும் எடிட்டர் ஆகியோர் இணைந்து அனைத்து ஷாட்டுகளையும் தரமாக அளித்திருந்ததாக கூறப்பட்டது. கதாநாயகன் கதாநாயகி இடையேயான காதல் காட்சிகளும் மிகைப்படுத்தப்படாமல் அழகாகவும்,ரியாலிட்டியாகவும் எடுக்கப்பட்டிருந்ததால் இளைஞர்களிடம் நல்ல வரவேற்பை பெற்றிருந்தது.

நெட்பிளிக்ஸ் ரிலீஸ்

மலையாளத்தின் பெரிய பிளாக்பஸ்டர் படமான தல்லுமாலா படத்தை கைப்பற்ற ஓடிடி நிறுவனங்களிடையே கடும் போட்டி நிலவியது. போட்டிகளுக்கிடையே தல்லுமாலா திரைப்படத்தின் ஓடிடி உரிமையை நெட் பிளிக்ஸ் நிறுவனம் பெற்றது. தற்பொழுது தங்கள் ஓடிடி தளத்தில் இப்படத்தை செப்டம்பர் 10ஆம் தேதி ரிலீஸ் செய்வதாக நெட்பிளிக்ஸ் நிறுவனம் அறிவித்துள்ளது. இதற்கு முன்பே டொவினோ தாமஸ் இன் மின்னல் முரளி திரைப்படத்தை தங்கள் ஓடிடியில் வெளியிட்டது நெட்பிளிக்ஸ் நிறுவனம். மின்னல் முரளி படம் பல சாதனைகளை படைத்தது.அதைப் போலவே தல்லுமாலா படமும் ஒடிடி யில் நல்ல வரவேற்பு பெரும் என்று எதிர்பார்க்கப்படுகிறது.

English summary

One of the biggest blockbuster movies of the year in the Malayalam screen world, "Thallumala", the announcement of the OTT release of the movie has brought joy among Malayalam cinema fans.