Jananayagan Audio Launch: கின்னஸ் சாதனையை நோக்கி ஜனநாயகன் ஆடியோ லான்ச், இத்தனை ஏற்பாடு நடக்குதாம்!

சென்னை : விஜய் ரசிகர்களுக்கு ஒரு பெரிய செய்தி காத்திருக்கு! விஜய் அரசியலுக்கு போயிட்டதால, அவருடைய கடைசி படம் என்று கூறப்படுகிற 'ஜனநாயகன்' திரைப்படத்தோட இசை வெளியீட்டு விழா பத்தி அதிகாரப்பூர்வமான அறிவிப்பு வெளியாகியிருக்கு. இந்த விழா சாதாரணமா இல்லாம, தமிழ் சினிமா வரலாற்றிலேயே ஒரு பெரிய உலக சாதனையை (கின்னஸ் ரெக்கார்டை) படைக்கும் விதமா நடக்கப்போகுதாம்!

மலேசியாவில் மாபெரும் திருவிழா

ஹெச்.வினோத் இயக்கத்தில் அனிருத் இசையில் உருவாகியிருக்க இந்த படத்தோட இசை வெளியீட்டு விழா மலேசியாவில் நடக்கும்னு அதிகாரப்பூர்வமா உறுதிப்படுத்தியிருக்காங்க. விஜய் ரசிகர்களுக்கான இந்த உலகளாவிய கொண்டாட்டம் வரும் டிசம்பர் 27, 2025 அன்று நடக்கப்போகுது. "மலேசியா, வி ஆர் கமிங்" என்கிற வாசகத்தோட வெளியான 45 விநாடி அறிவிப்பு வீடியோ சமூக ஊடகங்கள்ல ரொம்ப பெரிய வரவேற்பைப் பெற்றிருக்கு.

இடம் மற்றும் ரசிகர்கள்

மலேசியாவில் உள்ள தலைநகரான கோலாலம்பூர்ல இருக்கும் புக்கிட் ஜலீல் விளையாட்டு மைதானத்தில் இந்த விழா நடக்குதாம். இது ஆசியாவிலேயே மிகப் பெரிய விளையாட்டு திடல்களில் ஒண்ணு. 80,000 பேர் வரைக்கும் அமர்ந்து பார்க்க முடியுமாம். ஒரு லட்சம் பேர் வரைக்கும் இந்த நிகழ்ச்சியில் கலந்துக்க வாய்ப்பு இருக்குன்னு சொல்றாங்க.

கின்னஸ் சாதனைக்கு முயற்சி

அப்படிப் பார்க்கும்போது ஒரு லட்சம் பேர் வரைக்கும் கலந்துகொள்ளுற ஒரு திரைப்படத்தோட இசை வெளியீட்டு விழான்னு கின்னஸ் சாதனைப் புத்தகத்துல இந்த ஜனநாயகனை இடம் பெறச் செய்யும் முயற்சிகளையும் படத் தயாரிப்பு நிறுவனம் செய்து வருதாம். இந்த மாபெரும் இடத்தை தேர்ந்தெடுத்தது படத்துக்கான சர்வதேச அடையாளத்தை மேலும் உயர்த்தும் முயற்சியாக பார்க்கப்படுகிறது.

ரசிகர்களின் கொண்டாட்டம்

இந்த அறிவிப்பு வந்த முதல் சில மணிநேரங்கள்லயே ஜனநாயகன் ஆடியோ லாஞ்ச் (#jananayakanaudiolaunch) என்கிற குறியீடு ட்விட்டர் (எக்ஸ்) ட்ரன்டிங்ல முதல் இடத்தை அடைஞ்சிருக்கு. மலேசியத் தமிழர்கள் ஏற்கனவே ரசிகர்கள் உருவாக்கிய பதாகைகள், எல்.இ.டி கட்அவுட்கள், ஃப்ளாஷ்மாப் நடனங்கள் என கொண்டாடத் தொடங்கிட்டாங்க.

ஜனநாயகம் படத்தின் விவரங்கள்

இந்த படம் பொங்கலை குறிவச்சு ஜனவரி 9, 2026 அன்று உலகெங்கும் வெளியாகவுள்ளது.
இந்த ஜனநாயகன் படத்தில் பூஜா ஹெக்டே, மமிதா பைஜூ உட்பட பலரும் நடித்திருக்காங்க. பல படங்கள்ல வில்லனா நடிச்ச பாபி தியோல் இந்தப் படத்துலேயும் வில்லனா நடிச்சிருக்கார். இது தெலுங்குல பாலகிருஷ்ணன் நடிச்ச சூப்பர் ஹிட் அடிச்ச பகவந்த் கேசரி படத்தோட தமிழ் மறுவுருவாக்கம் (ரீமேக்) எனச் சொல்லப்படுது. படத்தோட தலைப்பு, விஜயோட நடை ஆகியவற்றைப் பார்த்த ரசிகர்கள், இது ஒரு அரசியல் பின்னணியில அமைஞ்ச சஸ்பன்ஸ் கதையாக இருக்கும்னு கணிச்சிருக்காங்க.

ஆடியோ லாஞ்ச்ல பாடல்கள் நேரலையில வெளியிடப்படுறதும், விஜயோட பேச்சு என்னவா இருக்கும் என்பதும் தான் இப்போ ரசிகர்கள் நடுவுல ரொம்ப பெரிய ஆர்வத்தை உருவாக்கியிருக்கு. டிசம்பர் 27, 2025 அன்று உலகம் முழுக்க தளபதி ரசிகர்களுக்கு மாபெரும் திருவிழா காத்திருக்குன்னு சொல்லலாம்!

English summary

Jananayagan: The audio launch of Thalapathy Vijay’s upcoming film Jananayagan, expected to be his final movie before fully entering politics, has been officially announced and is scheduled for December 27, 2025 in Malaysia. Directed by H. Vinoth with music by Anirudh, the grand event will take place at the massive Bukit Jalil Stadium in Kuala Lumpur, which can seat over 80,000 people and accommodate potentially up to 100,000 fans. The event is planned with the intention of securing a Guinness World Record for the largest movie audio launch audience. The announcement video has already gone viral, with hashtags related to the event trending globally, especially among Malaysian fans who have started celebrations early. Jananayagan, a Tamil remake of Balakrishna’s hit Bhagavanth Kesari, features Pooja Hegde, Mamitha Baiju, and Bobby Deol, and is scheduled for a worldwide Pongal release on January 9, 2026.