கடந்து வந்தது எளிமையானது அல்ல...கால் பாதத்தை காட்டி தத்துவம் சொன்ன விஜி

Updated: Monday, December 13, 2021, 16:55 [IST]

Subscribe to Oneindia Tamil

சென்னை: சர்வைவர் நிகழ்ச்சியில் வெற்றி பெற்ற பிறகு விஜயலட்சுமி வெளியிட்ட போட்டோஸ் இன்ஸ்டாகிராமில் வைரலாக பரவி வருகிறது.

பதிலடி இதுதானா? ?

சர்வைவர் ஷோ தற்போது முடிவடைந்து அதில் வெற்றியாளர் யார் என்ற செய்தி அனைவருக்கும் தெரிந்திருந்தாலும், ரசிகர்கள் பலர் வெற்றியாளரான விஜயலட்சுமிக்கு வாழ்த்துக்களை கூறிக் கொண்டிருக்கின்றனர். ஆனால் ஒரு சில நெகட்டிவர்ஸ் இவருடைய வெற்றியைப் பொறுத்துக் கொள்ள முடியாமல் சமூக வலைத்தளத்திலும் இவருக்கு எதிராக நெகட்டிவ் கமெண்டுகளை அனுப்பி வருகின்றனர். தனக்கு வரும் நெகட்டிவ் கமெண்ட் பற்றி கண்டுகொள்ளாமல் இவர் விட்டுவிட்டாலும், தற்போது பதிலுக்கு விஜயலட்சுமி வெளியிட்ட போஸ்ட் தான் வைரலாக பரவி வருகிறது.

குறையாத வேகம்

திருமணம் முடிந்து ஒரு குழந்தைக்கு அம்மாவாக இருக்கும் இவர் இளைஞர்களையும் தன்னோடு வயதில் குறைந்தவர்களையும் பின்னுக்குத்தள்ளி தன்னுடைய திறமையால் இன்று வெற்றி பெற்று அனைவரையும் ஆச்சரியத்தில் ஆழ்த்தியுள்ளார். உடல் வலுவான போட்டியாளர்கள் பலர் இந்த நிகழ்ச்சியில் இருந்திருந்தாலும் அவர்களுக்கு டப் கொடுக்கும் விதமாக இவர் ஒவ்வொரு போட்டியிலும் தன்னுடைய திறமையை காட்டிக் கொண்டு தான் இருந்துள்ளார். இந்த நிகழ்ச்சியை விட்டு இவர் வெளியேறி மூன்றாம் உலகத்தில் காத்திருந்தாலும் தனது திறமையை மீண்டும் சிறப்பாக வெளிக்காட்டியுள்ளார்.

மன தைரியம்தான் பெருசு

உடல் ஆரோக்கியமாகவும், ஆஜானுபாகுவாக இருந்த போட்டியாளர்கள் பலரை விடவும் விஜி மன தைரியத்தால் ஒவ்வொரு போட்டியிலும் வெற்றி பெற்றுள்ளார். ஆனால் சிலர் அசால்டாக அவருடைய வெற்றியை ஏற்றுக்கொள்ள முடியாமல் கண்டமேனிக்கு பேசி வருகின்றனர். ஆனால் பல ரசிகர்கள் அவருக்கு வாழ்த்து கூறி இவருடைய தன்னம்பிக்கையையும் போற்றும் விதமாக இவருக்கு பாசிட்டிவ் கமெண்டுகள் பலவற்றையும் கொடுத்துக் கொண்டிருந்தனர். அவர்களுக்கு நன்றி சொல்லும் விதமாக விஜி ரசிகர்களின் கமெண்டுகளை ஸ்க்ரீன் ஷாட் எடுத்து தன்னுடைய இன்ஸ்டாகிராமில் ரசிகர்களுக்கு நன்றி தெரிவித்துள்ளார்.

இன்ஸ்டாவில் தத்துவம்

விஜயலட்சுமி தான் இந்த இடத்திற்கு எளிமையாக வந்துவிடவில்லை. காட்டுக்குள் பல சவாலான தருணங்களையும், பல அடிப்படை தேவைகளையும் கூட இழந்து தான் இந்த நிலைக்கு வந்துள்ளோம். அதுமட்டுமல்லாமல் தனக்காக தன் கால் தேய்ந்து தோல் நிறம் மாறியுள்ளது என்று காட்டி உள்ளார். அதுமட்டுமில்லாமல் வெற்றி என்பது எளிதானது என்று எதுவுமில்லை. கடைசியில் மீண்டும் என் இன்ஸ்டா இருப்பது நல்லது என்று இன்ஸ்டாக்கு நன்றி தெரிவித்துள்ளார். இதைப் பார்த்த அவருடைய இன்ஸ்டாகிராம் ரசிகர்கள் அவரை வரவேற்று அவருக்கு ஆதரவு அளித்து வருகின்றனர்.