முகப்பு | திருக்குறள் | பொருட்பால் | குடியியல் | நல்குரவு

திருக்குறள் நல்குரவு அதிகாரம் - 105

Nalkuravu - Poverty

அதிகார விளக்கம்: வறுமை மனிதனின் வாழ்க்கையில் பொருளாதார துன்பத்துடன் மனவேதனை, சமூக அவமானம் மற்றும் பல்வேறு இழப்புகளையும் ஏற்படுத்துகிறது. வறுமையைப் புரிந்து, தேவையுடையவர்களுக்கு உதவுவது சமூகத்தின் பொறுப்பாகும்.

குறள் பால்

அறத்துப்பால் பொருட்பால் காமத்துப்பால்

குறள் இயல்

அரசியல் அமைச்சியல் அரணியல் கூழியல் படையியல் நட்பியல் குடியியல்

அதிகாரம்

குடிமை மானம் பெருமை சான்றாண்மை பண்புடைமை நன்றியில் செல்வம் நாணுடைமை குடிசெயல் வகை உழவு நல்குரவு இரவு இரவச்சம் கயமை

நல்குரவு அதிகாரம் - குறள்கள்

எண்	குறள்
1041	இன்மையின் இன்னாத தியாதெனின் இன்மையின் இன்மையே இன்னா தது பொருள்: இன்மையை விடக் கொடியதுஎது என்றால், இல்லாமையை விடக் கொடியது இல்லாமையே.
1042	இன்மை எனவொரு பாவி மறுமையும் இம்மையும் இன்றி வரும் பொருள்: இல்லாமை என்ற ஒரு பாவி ஒருவனிடத்தில் சேர்ந்தால், அவன் பிறர்க்குக் கொடுக்க இல்லாதவன் ஆவதால் அவனுக்கு மறுமை இன்பமும் இல்லை; தானே அனுபவிக்க ஏதும் இல்லாததால் இம்மை இன்பமும் இல்லை.
1043	தொல்வரவும் தோலும் கெடுக்கும் தொகையாக நல்குர வென்னும் நசை பொருள்: இல்லாமை என்று சொல்லப்படும் மன ஆசை எவரிடம் இருக்கிறதோ, அவரின் பழம் குடும்பப் பெருமையையும் சிறந்த பாராட்டுக்களையும் அது மொத்தமாக அழித்து விடும்.
1044	இற்பிறந்தார் கண்ணேயும் இன்மை இளிவந்த சொற்பிறக்கும் சோர்வு தரும் பொருள்: நல்ல குடும்பத்தில் பிறந்தவரிடம் கூட, இல்லாமை வந்து விட்டால், இழிவான சொற்களைச் சொல்லும் தளர்ச்சியை உண்டாக்கி விடும்.
1045	நல்குர வென்னும் இடும்பையுள் பல்குரைத் துன்பங்கள் சென்று படும் பொருள்: இல்லாமை என்னும் துன்பத்திற்குள் எல்லா வகைத் துன்பங்களும் அடங்கும்.
1046	நற்பொருள் நன்குணர்ந்து சொல்லினும் நல்கூர்ந்தார் சொற்பொருள் சோர்வு படும் பொருள்: நல்ல கருத்துக்களைத் தெளிவாகத் தெரிந்து சொன்னாலும், சொல்பவர் ஏழை என்றால் அவர் சொல் மதிக்கப் பெறாது.
1047	அறஞ்சாரா நல்குர வீன்றதா யானும் பிறன்போல நோக்கப் படும் பொருள்: நியாயமான காரணங்கள் இல்லாத இல்லாமை ஒருவனுக்கு இருந்தால், பெற்ற தாய் கூட அவனை அந்நியனாகவே பார்ப்பாள்.
1048	இன்றும் வருவது கொல்லோ நெருநலும் கொன்றது போலும் நிரப்பு பொருள்: நேற்று என்னைக் கொன்றது போன்ற துன்பத்தைத் தந்த இல்லாமை, இன்றும் கூட வருமோ?
1049	நெருப்பினுள் துஞ்சலும் ஆகும் நிரப்பினுள் யாதொன்றும் கண்பா டரிது பொருள்: யோக வலிமையால் நெருப்பிற்குள் படுத்து உறங்கவும் முடியும்; ஆனால், பசிக் கொடுமைக்குள் சிறிது கூடக் கண் மூட முடியாது.
1050	துப்புர வில்லார் துவரத் துறவாமை உப்பிற்கும் காடிக்கும் கூற்று பொருள்: உண்ண, உடுத்த ஏதம் இல்லாதவர் இல்லறத்தை முழுமையாகத் துறந்து விடாதிருப்பது, பிறர் வீட்டில் இருக்கும் உப்புக்கும் கஞ்சித் தண்ணீருக்கும் எமனாம்.

உழவு

இரவு