முகப்பு| திருக்குறள்| நிறையழிதல்| காமம் எனவொன்றோ கண்ணின்றென் திருக்குறள்

காமம் எனவொன்றோ கண்ணின்றென் திருக்குறள்

அதிகாரம்

குறள் விளக்கம்

1252
காமம் எனவொன்றோ கண்ணின்றென் நெஞ்சத்தை
யாமத்தும் ஆளும் தொழில்

காமம் என்று சொல்லப்படுகின்ற ஒன்று கண்ணோட்டம் இல்லாதது. அது என் நெஞ்சத்தை நள்ளிரவில் ஏவல் கொண்டு ஆள்கிறது.

— மு. வரதராசன்

காதல் வேட்கை எனப்படும் ஒன்று இரக்கமே இல்லாதது; ஏனெனில் அது என் நெஞ்சில் நள்ளிரவிலும் ஆதிக்கம் செலுத்தி அலைக்கழிக்கிறது

— மு. கருணாநிதி

எல்லாரும் வேலையின்றி உறங்கும் நடுச்சாமத்திலும் என் நெஞ்சத்தைத் தண்டித்து வேலை வாங்குவதால் காதல் என்று சொல்லப்படும் ஒன்று இரக்கமற்றதாக இருக்கிறது.

— சாலமன் பாப்பையா

காமம் என்று சொல்லப்படும் ஒன்று கொஞ்சமேனும் கண்ணோட்டமே இல்லாதது; அ·து என் நெஞ்சத்தை இரவிலும் ஏவல் செய்து ஆள்கின்றது

— புலியூர்க் கேசிகன்

காமம் என்ற ஒன்று மட்டுமே கண்ணில் நின்று என் நெஞ்சத்தை இரவிலும் ஆளும் தொழில் செய்கிறது.

— சிவயோகி சிவகுமார்

காமமென்றொன்று கண்ணோட்டமுடைத்தன்று: என்னெஞ்சத்தை நடுநாள் யாமத்தினும் தொழில்கொள்ளா நின்றது. தொழில் கொள்ளுதலாவது அப்பொழுது அவர்மாட்டுப் போக விடுத்தல். இது நெஞ்சின் மிக்கது வாய்சோர்ந்து ஆற்றாமையால் தலைமகள் தோழிக்குக் கூறியது.

— மணக்குடவர்

(நெஞ்சின்கண் தோன்றிய காமம் நெஞ்சால் அடக்கப்படும் என்றாட்குச் சொல்லியது.) யாமத்தும் என் நெஞ்சத்தைத் தொழில் ஆளும் - எல்லாரும் தொழிலொழியும் இடை யாமத்தும் என் நெஞ்சத்தை ஒறுத்துத் தொழில் கொள்ளா நின்றது; காமம் என ஒன்று கண் இன்று - ஆகலாற் காமம் என்று சொல்லப்பட்ட ஒன்று கண்ணோட்டம் இன்றாயிருந்தது. ('ஓ' என்பது இரக்கக் குறிப்பு. தொழிலின்கண்ணேயாடல் - தலைமகன்பாற் செலவிடுத்தல். தாயைப் பணி கோடல் உலகியலன்மையின் 'காமம் என ஒன்று' என்றும் அது தன்னைக் கொள்கின்றது அளவறியாது கோடலின் 'கண்ணின்று' என்றும் கூறினாள். அடக்கப்படாமை கூறியவாறு.).

— பரிமேலழகர்

English Couplet: What men call love is the one thing of merciless power;
It gives my soul no rest, e'en in the midnight hour.

Couplet Explanation: Even at midnight is my mind worried by lust, and this one thing, alas! is without mercy.

Transliteration (Tamil to English): kaamam enavondro kannindren nenjaththai yaamaththum aalum thozhil

1 2 3 ... 125 126 127 ... 132 133

திருக்குறள் அதிகாரங்கள்

பிரபலமான அதிகாரம்

அதிகம் பார்க்கப்பட்ட / பிரபலமான அதிகாரங்கள்
  1. கல்வி
  2. நட்பு
  3. அன்புடைமை
  4. கடவுள் வாழ்த்து
  5. இறைமாட்சி

பிரபலமான குறள்

அதிகம் பார்க்கப்பட்ட / பிரபலமான குறள்கள்
  1. எண்ணென்ப...
  2. இடும்பைக்...
  3. கற்க...
  4. தெய்வத்தான்...
  5. தொழுதகை...

குறளில் பல முறை தோன்றிய சொல்

குறள்களில் அதிக முறை பயன்படுத்தப்பட்ட சொற்கள்
  1. படும் - 42
  2. தரும் - 37
  3. இல் - 32
  4. கெடும் - 28
  5. இல்லை - 22

பல முறை தோன்றிய குறளின் தொடக்க சொல்

ஒரே சொல்லில் தொடங்கும் பல குறள்கள்
  1. ஆற்றின் - 5
  2. இன்பம் - 5
  3. நனவினால் - 5
  4. காமம் - 4
  5. காமக் - 4

பல முறை தோன்றிய குறளின் இறுதி சொல்

ஒரே சொல்லில் முடியும் பல குறள்கள்
  1. படும் - 42
  2. தரும் - 37
  3. இல் - 32
  4. கெடும் - 28
  5. செயல் - 22
Notifications
Settings
Clear Notifications
Notifications
Use the toggle to switch on notifications
  • Block for 8 hours
  • Block for 12 hours
  • Block for 24 hours
  • Don't block
Gender
Select your Gender
  • Male
  • Female
  • Others
Age
Select your Age Range
  • Under 18
  • 18 to 25
  • 26 to 35
  • 36 to 45
  • 45 to 55
  • 55+