பதக்கங்கள், விருதுகளை குவிக்கும் ”பரபர” பாட்டி…

சண்டிகர்: பஞ்சாபை சேர்ந்த 99 வயது பெண்மணி அமெரிக்காவில் நடந்த ஓட்டப்பந்தயத்தில் பங்கேற்று சாதனை படைத்துள்ளார்.

பஞ்சாப் தலைநகர் சண்டிகரை சேர்ந்தவர் "மன் கவுர்" 99 வயதான பெண்மணி. ஓட்டப்பந்தயம் போன்ற தடகள விளையாட்டுகளில் அதிக ஆர்வம் கொண்டவர்.

பதக்கப் பட்டியல்:

நம் நாட்டில் பல போட்டிகளில் பங்கேற்றுள்ள இவர் அமெரிக்கா, கனடா போன்ற நாடுகளில் முதியோருக்காக நடத்தப்படும் தடகள போட்டிகளில் பங்கேற்று பல பதக்கங்கள், விருதுகளை பெற்றுள்ளார்.

தினமும் யோகா:

சமீபத்தில் அமெரிக்காவில் பெற்ற விருதுடன், நாடு திரும்பிய அவர், சண்டிகர் நகரில் பத்திரிகையாளர்களிடம் "தினமும், அதிகாலை, 3:00 மணிக்கு எழுந்து, வீடு அருகே உள்ள பூங்காவில், 400 மீட்டர் ஓடுவேன்; பின், யோகா செய்வேன்"என்று தனது சாதனைக்கான காரணங்களை கூறியுள்ளார்.

பழச்சாறே என் எனர்ஜி டிரிங்க்:

மேலும் அவர்,"எண்ணெய், நெய் போன்றவற்றை உணவில் சேர்ப்பதில்லை; தினமும், அதிக அளவில் பழச்சாறுகளை குடிப்பேன்; நானே தயாரிக்கும் உணவை, இரண்டு முறை எடுத்துக்கொள்வேன்"என்றார்.

பாட்டியின் தொடர் வெற்றி:

கடந்த ஆண்டு, கனடாவில் நடந்த ஓட்டப்பந்தயம் மற்றும் ஈட்டி எறிதல் போட்டிகளில் ஐந்து தங்கம், அமெரிக்காவில் நடந்த உலக தொடர் விளையாட்டுப் போட்டிகளில் ஐந்து தங்கம் வென்றுள்ளார்.

அத்லெட் ஆப் தி இயர்:

2011ல் அமெரிக்காவில் நடந்த சர்வதேச தடகள போட்டிகளில் "அத்லெட் ஆப் தி இயர்" விருது போன்ற பல விருதுகளை பெற்றுள்ளார் அவர் என்பது குறிப்பிடத்தக்கது.

English summary

An old lady whose age is 99, being a best athlete in the American running race. She won lot of prizes in various athletic competition