For Daily Alerts
Just In
மத்திய அமைச்சர் ஸ்மிருதி இராணி கார் விபத்து: சிறிய காயத்துடன் உயிர் தப்பினார்
டெல்லி: மத்திய மனித வள மேம்பாட்டு அமைச்சர் ஸ்மிருதி இராணி சென்ற கார் நேற்று இரவு விபத்துக்குள்ளானது. இதில் சிறு காயங்களுடன் ஸ்மிருதி ராணி அதிர்ஷ்டவசமாக உயிர் தப்பினார்.
உத்தரப்பிரதேச மாநிலம் விருந்தாவனில் பாஜக இளைஞரணியினர் கூட்டம் நேற்று நடந்தது. இதில் கலந்துகொண்டு விட்டு இரவு யமுனா எக்ஸ்பிரஸ் சாலை வழியாக டெல்லி திரும்பிக் கொண்டிருந்தார் ஸ்மிருதி இராணி.
அப்போது அவரது காருக்கு முன்பாக சென்றுக்கொண்டிருந்த பாதுகாப்பு வாகனம் மீது ஒரு இருசக்கர வாகனம் மோதியது. இதனை அடுத்து வாகனங்கள் ஒன்றோடு ஒன்று மோதி விபத்து ஏற்பட்டது.
இந்த விபத்தில் ஸ்மிருதி இராணியின் கால் முட்டியில் சிறிய காயம் ஏற்பட்டது. மேலும் மூன்று பாதுகாப்பு காவலர்களுக்கும் காயம் ஏற்பட்டது. இருசக்கர வாகனத்தில் வந்தவர் இறந்துவிட்டதாக தகவல்கள் தெரிவிக்கின்றன.
English summary
Union minister Smriti Irani reportedly received minor injuries on Saturday after her car met with an accident on the Yamua Expressway.
Story first published: Sunday, March 6, 2016, 4:19 [IST]