மெர்சலை இந்தியில் டப் செய்து குஜராத் தேர்தலின்போது வெளியிடுங்கள்.. பரபர கோரிக்கை!

சென்னை: முன்பெல்லாம் ஜிஎஸ்டி என்று போட்டுத் தேடினால் அருண் ஜேட்லியும், பிரதமர் மோடியும், இன்ன பிற மத்திய அமைச்சர்களின் பேட்டிகளும்தான் முன்னாடி வந்து நிற்கும். ஆனால் இப்போது விஜய் வருகிறார், மெர்சல் வருகிறது.. விஜய்க்கு ஆதரவானவர்களின் கருத்துக்கள்தான் பிரதானமாக வருகிறது.

ஜிஎஸ்டி என்றால் விஜய், மெர்சல் என்று மாற்றி விட்டார்கள் தமிழகத்து பாஜக தலைவர்கள். இப்படி ஜிஎஸ்டியையே மறக்கடிக்கச் செய்து விட்டார்கள் தமிழக பாஜக தலைவர்கள்.

டெல்லி பாஜக தலைமை நிச்சயம் இதை எதிர்பார்த்திருக்காது. விஜய் நடித்த பிரண்ட்ஸ் படம் பார்த்திருப்பீர்கள். அதில் ஒரு வசனம் வரும். இப்படி சல்லி சல்லியா உடைச்சிட்டீங்களேடா என்று. அதுதான் தற்போது டெல்லி பாஜகவினவருக்கு நினைவுக்கு வரும்.

Dialogue in Tamil film #Mersal is #GST on medicine is 12% but 0% on Daaru. #BJP torturing producer to remove this line.Why? This is a fact.

— Sanjay Nirupam (@sanjaynirupam) October 21, 2017

விஜய் பேசியது உண்மைதானே

காங்கிரஸ் கட்சியைச் சேர்ந்த முன்னாள் எம்.பி. சஞ்சய் நிருபம் வெளியிட்டுள்ள கருத்து இது.

BJP demanding cuts to Tamil film, #Mersal just bcs a character points at high #GST is totally unjustified n inappropriate.#TamiliansVsModi

— Ashok Gehlot (@ashokgehlot51) October 21, 2017

ராஜஸ்தான் முன்னாள் முதல்வர்

ராஜஸ்தான் மாநில முன்னாள் முதல்வர் அசோக் கெலாட் போட்டுள்ள ட்வீட் இது. ராஜஸ்தான் வரை எட்டி விட்டது பாருங்கள் மெர்சல்.

#sir "Mersal" should be dubbed in Hindi n must be aired on TV before Gujrat election without any cut...

— Kamal Pahadia (@KamalPahadia) October 22, 2017

கட்டே பண்ணாமல் டப் செய்யுங்க

கமல் பஹாடியா என்பவர் போட்டுள்ள டிவீட்டில் மெர்சல் படத்தை இந்தியில் டப் செய்து குஜராத் தேர்தலின்போது வெளியிட வேண்டும். அதில் ஒரு காட்சியைக் கூட வெட்டக் கூடாது என்றும் கோரிக்கை விடுத்துள்ளார்.

Don't cut any #GST related dialogues from #Mersal,The movie saying the truth.So no need to remove that. #MersalVsModi @Atlee_dir @actorvijay

— Jebin Mathew (@Im_JEBIN) October 20, 2017

சீன்களை நீக்கக் கூடாது

இது ஜெபின் மாத்யூ என்பவர் போட்டுள்ள கமெண்ட். தமிழ்நாட்டைச் சேர்ந்தவர்களை விட பிற மாநிலத்தவர்கள்தான் அதிக அளவில் மெர்சல் குறித்தும், அது பேசிய ஜிஎஸ்டி வசனம் குறித்தும் கருத்துக்களைக் குவித்துள்ளனர் என்பது பாஜகவினர் கவலைப்பட வேண்டிய விஷயமாகும்.

English summary

Mersal issue is dominating while searching GST in Internet. Mersal movie dialogues have created a big wave all over the nation aftr some TN BJP leaders went against the movie.