• search
For Quick Alerts
ALLOW NOTIFICATIONS  
For Daily Alerts
Oneindia App Download

மெகா ஹிட் படத்திற்கு இப்படி ஒரு பிளாஷ்பேக்கா!! இனிமேல் இப்படி நடக்க சான்சே இல்ல

Google Oneindia Tamil News

சென்னை:தமிழ் சினிமாவின் எவர்கிரீன் திரைப்படங்களுள் ஒன்றான மெல்லத் திறந்தது கதவு குறித்து ஒரு தகவல் இணையத்தில் வைரலாக வலம் வந்து கொண்டிருக்கிறது.

படத்தின் பெயர் மெல்லத் திறந்தது கதவா? கதவு திறந்தது மெல்லவா? என்று சென்சார் அதிகாரிகளே கலாய்க்கும் அளவிற்கு சுவாரசியமான நிகழ்வு நடந்துள்ளது.

அந்த சுவாரசியமான நிகழ்ச்சியை படித்த இணையதள வாசிகள் அந்த காலத்தில் இப்படி எல்லாம் நடந்திருக்கிறதா!!?? என்று ஆச்சரியத்தில் மூழ்கியுள்ளனர்.

நடிகை அமலா பாலுடன் திருமணம்.. கோர்ட்டில் ஆதாரங்களை காட்டி நடிகை அமலா பாலுடன் திருமணம்.. கோர்ட்டில் ஆதாரங்களை காட்டி

எவர்கிரீன் மூவி

எவர்கிரீன் மூவி

1986 ஆம் ஆண்டு வெளிவந்த படம் மெல்லத் திறந்தது கதவு. பிரபல தயாரிப்பு நிறுவனமான ஏவிஎம் தயாரித்த இந்த படத்தை எழுதி இயக்கியிருந்தார் ஆர். சுந்தர்ராஜன். அந்த நேரத்தில் இசை ஜாம்பவான்களாக இருந்த இளையராஜாவும்-எம்.எஸ்.விஸ்வநாதனும் இணைந்து இப்படத்திற்கு இசையமைத்திருந்தனர். மோகன், ராதா,அமலா என்று ஒரு நட்சத்திர பட்டாளமே நடித்திருந்த இப்படத்தை சிறப்பாக இயக்கி இருந்தார் இயக்குனர் ஆர்.சுந்தர்ராஜன்.அதுமட்டுமின்றி இப்படத்தில் இடம்பெற்று இருந்த குழலூதும் கண்ணனுக்கு, ஊருசனம் தூங்கிருச்சு, தில் தில் மனதில்,தேடும் கண் பார்வை, வா வெண்ணிலா, போன்ற பாடல்கள் இன்றளவும் கேட்க கேட்க திகட்டாத பாடல்களாக வலம் வந்து கொண்டிருக்கிறது.

மதுரை டிஸ்ட்ரிபியூட்டர் பண்ண வேலை

மதுரை டிஸ்ட்ரிபியூட்டர் பண்ண வேலை

மெல்லத் திறந்தது கதவு படம் ரிலீஸ் ஆயிருந்த சமயத்தில் மதுரையை சேர்ந்த டிஸ்ட்ரிபியூட்டர் ஒருவர் ஒரு வித்தியாசத்திற்காக படத்தின் இரண்டாவது பாதி ரீல் பெட்டியை முதலாவதாகவும்,முதலாவது பாதி ரீல் பெட்டியை இரண்டாவதாகவும் வைத்து படத்தை ஒட்டியுள்ளார். பெட்டியை மாற்றி படம் ஒட்டுவதை குறித்து அறிந்திராத ரசிகர்கள் படத்தை பார்த்துவிட்டு படம் அருமையாக இருப்பதாக கூறியுள்ளனர்.இந்த தகவல் காட்டு தீ போல் பறக்க தமிழக முழுவதும் உள்ள டிஸ்ட்ரிபியூட்டர்களும் இதே போன்று பெட்டியை மாற்றி படத்தை ஒட்டியுள்ளனர். அனைத்து இடங்களிலும் படம் நன்றாக இருப்பதாகவே ரிசல்ட் வந்துள்ளது.

மறுத்தணிக்கை

மறுத்தணிக்கை

இந்த சம்பவத்தை கேள்விப்பட்டு யோசித்த படக்குழு பேசாமல் படத்தை அப்படியே மாற்றிவிட முடிவெடுத்து படத்தை மறுத்தணிக்கை செய்வதற்கு தணிக்கை குழுவிற்கு அனுப்பியது.இதுவரை இப்படி ஒரு நிகழ்ச்சியை கண்டிராத தணிக்கை குழு உறுப்பினர் ஒருவர் படக்குழுவினரை பார்த்து என்னப்பா.. படம் பேரு இப்ப மெல்ல திறந்தது கதவா??இல்ல கதவு திறந்ததும் மெல்லவா?? என்று கலாய்த்துள்ளார்.

எடிட்டர் ஆக மாறிய டிஸ்ட்ரிபியூட்டர்கள்

எடிட்டர் ஆக மாறிய டிஸ்ட்ரிபியூட்டர்கள்

பட வெளியீடு தேதி,நேரம் போன்றவற்றை முடிவு செய்து வந்து டிஸ்ட்ரிபியூட்டர்கள், முதன் முறையாக பட கதையை மாற்றம் செய்த நிகழ்வு மெல்ல திறந்தது கதவு படத்தில் மட்டுமே நிகழ்ந்துள்ளது. இதைப் போன்று ஒரு எடிட்டிங் வேறு எந்த படத்திற்கும் நடந்ததில்லை இனி நடக்கப் போவதுமில்லை என்ற பெருமை மெல்லத் திறந்தது கதவு படத்திற்கு மட்டுமே சேரும்.

English summary
One of the evergreen movies of Tamil cinema, mella thiranthathu kathavu is doing the rounds on the internet. Did the door open slowly? An interesting incident has taken place to the extent that the Censor officials themselves are acting.
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X