முகப்பு| திருக்குறள்| அவை அறிதல்| அங்கணத்துள் உக்க அமிழ்தற்றால் திருக்குறள்

அங்கணத்துள் உக்க அமிழ்தற்றால் திருக்குறள்

அதிகாரம்

குறள் விளக்கம்

720
அங்கணத்துள் உக்க அமிழ்தற்றால் தங்கணத்தர்
அல்லார்முன் கோட்டி கொளல்

தன் இனத்தார் அல்லாதவரின் கூட்டத்தில் முன் ஒரு பொருளைப்பற்றி பேசுதல், தூய்மையில்லாத முற்றத்தில் சிந்திய அமிழ்தம் போன்றது.

— மு. வரதராசன்

அறிவுள்ளவர்கள், அறிவில்லாதவர்களின் அவையில் பேசுவது, தூய்மையில்லாத முற்றத்தில் சிந்திடும் அமிழ்தம்போல் வீணாகிவிடும்

— மு. கருணாநிதி

தமக்குச் சமம் அற்றவர் கூடியுள்ள அவையில் எதையும் பேச வேண்டா; பேசினால் அப்பேச்சு சாக்கடையுள் கொட்டிய அமிழ்தம் போல ஆகும்.

— சாலமன் பாப்பையா

தம் போன்ற அறிவுடையவர்கள் அல்லாதவரின் முன்பாக ஒன்றைப் பற்றி விரிவாகப் பேசுதல் அங்கணத்துள்ளே அமுதத்தைக் கொட்டியது போலப் பாழாகிவிடும்

— புலியூர்க் கேசிகன்

சாக்கடையில் உற்றிய அமிழ்து போன்றது, தகுதியற்றவர் முன் பேசுவது.

— சிவயோகி சிவகுமார்

அங்கணத்தின்கண் உக்க அமுதம் போல இகழப்படுவர்; தம்முடைய இனத்தாரல்லாதார் முன்னர் ஒன்றைச் சொல்லுவாராயின். கல்வியுடையார் புல்லவையுள் சொன்னால் உளதாகுங் குற்றமென்னை யென்றார்க்கு இஃது இகழப்படுவரென்று கூறிற்று.

— மணக்குடவர்

தம் கணத்தார் அல்லார்முன் கோட்டி கொளல் - நல்லார் தம்மினத்தரல்லாதார் அவைக்கண் ஒன்றனையும் சொல்லற்க; அங்கணத்துள் உக்க அமிழ்தற்று - சொல்லின், அது தூயதல்லாத முற்றத்தின்கண் உக்க அமிழ்தினை ஒக்கும். ('கொள்' என்னும் முதனிலைத் தொழிற்பெயர் முன்னின்று பின் எதிர்மறை அல்விகுதியோடு கூடி 'மகன் எனல்' (குறள் 196) என்பது போல் நின்றது. 'சொல்லின்', 'அது' என்பன அவாய் நிலையான் வந்தன. பிறரெல்லாம் 'கொளல்' என்பதனைத் தொழிற்பெயராக்கி உரைத்தார், அவர் அத்தொழில் அமிழ்து என்னும் பொருள் உவமையோடு இயையாமை நோக்கிற்றிலர். சாவா மருந்தாதல் அறிந்து நுகர்வார் கையினும் படாது அவ்வங்கணத்துக்கும் இயைபு இன்றிக் கெட்டவாறு தோன்ற 'உக்க அமிழ்து' என்றார். அச்சொல் பயனில் சொல்லாம் என்பதாயிற்று. இவை இரண்டு பாட்டானும் தாழ்ந்தார் அவைக்கண் ஒரு வழியும் சொல்லற்க என்பது கூறப்பட்டது.

— பரிமேலழகர்

English Couplet: Ambrosia in the sewer spilt, is word
Spoken in presence of the alien herd.

Couplet Explanation: To utter (a good word) in the assembly of those who are of inferior rank is like dropping nectar on the ground.

Transliteration (Tamil to English): angaNaththuL ukka amizhdhatraal thangaNaththaar allaarmun koatti koLal

1 2 3 ... 71 72 73 ... 132 133

திருக்குறள் அதிகாரங்கள்

பிரபலமான அதிகாரம்

அதிகம் பார்க்கப்பட்ட / பிரபலமான அதிகாரங்கள்
  1. கல்வி
  2. நட்பு
  3. அன்புடைமை
  4. கடவுள் வாழ்த்து
  5. இறைமாட்சி

பிரபலமான குறள்

அதிகம் பார்க்கப்பட்ட / பிரபலமான குறள்கள்
  1. எண்ணென்ப...
  2. இடும்பைக்...
  3. கற்க...
  4. தெய்வத்தான்...
  5. தொழுதகை...

குறளில் பல முறை தோன்றிய சொல்

குறள்களில் அதிக முறை பயன்படுத்தப்பட்ட சொற்கள்
  1. படும் - 42
  2. தரும் - 37
  3. இல் - 32
  4. கெடும் - 28
  5. இல்லை - 22

பல முறை தோன்றிய குறளின் தொடக்க சொல்

ஒரே சொல்லில் தொடங்கும் பல குறள்கள்
  1. ஆற்றின் - 5
  2. இன்பம் - 5
  3. நனவினால் - 5
  4. காமம் - 4
  5. காமக் - 4

பல முறை தோன்றிய குறளின் இறுதி சொல்

ஒரே சொல்லில் முடியும் பல குறள்கள்
  1. படும் - 42
  2. தரும் - 37
  3. இல் - 32
  4. கெடும் - 28
  5. செயல் - 22
Notifications
Settings
Clear Notifications
Notifications
Use the toggle to switch on notifications
  • Block for 8 hours
  • Block for 12 hours
  • Block for 24 hours
  • Don't block
Gender
Select your Gender
  • Male
  • Female
  • Others
Age
Select your Age Range
  • Under 18
  • 18 to 25
  • 26 to 35
  • 36 to 45
  • 45 to 55
  • 55+