முகப்பு | திருக்குறள் | காமத்துப்பால் | கற்பியல் | கனவுநிலை உரைத்தல்

திருக்குறள் கனவுநிலை உரைத்தல் அதிகாரம் - 122

Kanavu Nilaiyuraithal - Speaking of dreams

அதிகார விளக்கம்: கனவில் காதலரை சந்திப்பதால் தலைவிக்கு தற்காலிக மகிழ்ச்சி கிடைக்கிறது. விழித்தவுடன் மீண்டும் பிரிவை உணர்வதால் துயரம் ஏற்படுகிறது; கனவு காதலருடன் இணையும் மனதின் ஆழ்ந்த விருப்பத்தை வெளிப்படுத்துகிறது.

குறள் பால்

அறத்துப்பால் பொருட்பால் காமத்துப்பால்

குறள் இயல்

களவியல் கற்பியல்

அதிகாரம்

பிரிவு ஆற்றாமை படர்மெலிந் திரங்கல் கண் விதுப்பழிதல் பசப்புறு பருவரல் தனிப்படர் மிகுதி நினைந்தவர் புலம்பல் கனவுநிலை உரைத்தல் பொழுதுகண்டு இரங்கல் உறுப்புநலன் அழிதல் நெஞ்சொடு கிளத்தல் நிறையழிதல் அவர்வயின் விதும்பல் குறிப்பறிவுறுத்தல் புணர்ச்சி விதும்பல் நெஞ்சொடு புலத்தல் புலவி புலவி நுணுக்கம் ஊடலுவகை

கனவுநிலை உரைத்தல் அதிகாரம் - குறள்கள்

எண்	குறள்
1211	காதலர் தூதொடு வந்த கனவினுக் கியாதுசெய் வேன்கொல் விருந்து பொருள்: என் மன வேதனையை அறிந்து அதைப் போக்க, என்னவர் அனுப்பிய தூதை என்னிடம் கொண்டு வந்த கனவிற்கு நான் எதை விருந்தாகப் படைப்பேன்?
1212	கயலுண்கண் யானிரப்பத் துஞ்சின் கலந்தார்க் குயலுண்மை சாற்றுவேன் மன் பொருள்: கண்கள் யான் வேண்டுவதுபோல் தூங்குமானால், ( அப்போது வரும் கனவில் காணும்) காதலர்க்கு யான் தப்பிப் பிழைத்திருக்கும்‌ தன்மையைச் சொல்வேன்.
1213	நனவினான் நல்கா தவரைக் கனவினால் காண்டலின் உண்டென் உயிர் பொருள்: நனவில் வந்து அன்பு செய்யாத காதலரைக் கனவில் காண்பதால்தான் என்னுடைய உயிர் இன்னும் நீங்காமல் உள்ளதாகின்றது.
1214	கனவினான் உண்டாகும் காமம் நனவினான் நல்காரை நாடித் தரற்கு பொருள்: நேரில் வந்து அன்பு செய்யாதவரை அவர் இருக்கும் இடம் போய் அவரைத் தேடிக்கொண்டு வந்து தருவதால் கனவில் எனக்கு இன்பம் உண்டாகிறது.
1215	நனவினாற் கண்டதூஉம் ஆங்கே கனவுந்தான் கண்ட பொழுதே இனிது பொருள்: முன்பு அவரை நேரில் கண்டு அனுபவித்ததும் சரி, இப்போது கனவில் அவரைக் கண்டு அனுபவிப்பதும் இரண்டுமே எனக்கு இன்பந்தான்.
1216	நனவென ஒன்றில்லை ஆயின் கனவினாற் காதலர் நீங்கலர் மன் பொருள்: கண்ணால் காண்பது என்றொரு கொடிய பாவி இல்லை என்றால் கனவிலே வந்து கூடிய என்னவர் என்னைப் பிரிய மாட்டார்.
1217	நனவினான் நல்காக் கொடியார் கனவினான் என்னெம்மைப் பீழிப் பது பொருள்: நேரில் வந்து அன்பு செய்யாத இந்தக் கொடிய மனிதர் கனவில் மட்டும் நாளும் வந்து என்னை வருத்துவது ஏன்?
1218	துஞ்சுங்கால் தோள்மேலர் ஆகி விழிக்குங்கால் நெஞ்சத்தார் ஆவர் விரைந்து பொருள்: என் நெஞ்சில் எப்போதும் வாழும் என்னவர் நான் உறங்கும் போது என் தோளின் மேல் கிடக்கிறார். விழித்துக் கொள்ளும் போதோ வேகமாக என் நெஞ்சிற்குள் நுழைந்து கொள்கிறார்.
1219	நனவினான் நல்காரை நோவர் கனவினான் காதலர்க் காணா தவர் பொருள்: இன்னும் திருமணம் ஆகாத, ஆகிக் கணவனைப் பிரிந்து அறியாத இந்தப் பெண்கள், கனவில் காதலனைக் கண்டு அறியாதவர், ஆதலால், அவர்கள் அறிய நேரில் வந்து என்னிடம் அன்பு காட்டாத என்னவரை அன்பற்றவர் என்று ஏசுகின்றனர்.
1220	நனவினான் நம்நீத்தார் என்பர் கனவினான் காணார்கொல் இவ்வூ ரவர் பொருள்: என்னை விட்டுப் பிரிந்து போய்விட்டார் என்று என்னவரை ஏசும் இவ்வூர்ப் பெண்கள், அவர் நாளும் என் கனவில் வருவதைக் கண்டு அறியாரோ?

நினைந்தவர் புலம்பல்

பொழுதுகண்டு இரங்கல்