2021-ல் சட்டமன்ற தேர்தல், வாக்கு எண்ணிக்கை எப்போது நடைபெற்றது தெரியுமா? இதோ விவரம்!

சென்னை: தமிழகத்தில் இன்று மாலை சட்டமன்ற தேர்தல் தேதி அறிவிக்கப்பட உள்ள நிலையில், கடந்த 2021 சட்டமன்ற தேர்தல் எப்போது நடைபெற்றது? வாக்கு எண்ணிக்கை நடைபெற்ற தேதி ஆகிய விவரங்களை இங்கு பார்க்கலாம்.

தமிழ்நாடு, கேரளா, மேற்கு வங்கம், அசாம், புதுவை ஆகிய 5 மாநிலங்களுக்கான சட்டமன்ற தேர்தல் தேதியை தேர்தல் ஆணையம் இன்று மாலை 4 மணியளவில் அறிவிக்க உள்ளது. ஜனநாயாக திருவிழா என்று அழைக்கப்படும் தேர்தல் தேதி அறிவிக்கப்பட்டதும் உடனடியாக தேர்தல் நடத்தை விதிகள் அமலுக்கு வந்துவிடும். இன்று தேர்தல் தேதி அறிவிக்கப்பட உள்ள நிலையில், கடந்த 2021 சட்டமன்ற தேர்தல் எப்போது நடைபெற்றது? வாக்கு எண்ணிக்கை நடைபெற்ற தேதி ஆகிய விவரங்களை பார்க்கலாம்.

தமிழ்நாடு சட்டமன்ற தேர்தல்

கடந்த 2021 ஆம் ஆண்டு தமிழ்நாடு உள்பட 5 மாநிலங்களுக்கான சட்டமன்ற தேர்தல் தேதி 2021, பிப்ரவரி 26 ஆம் தேதி அறிவிக்கப்பட்டது. தமிழகம், கேரளா, புதுவையில் ஒரே கட்டமாகவும் மேற்கு வங்கம், அசாமில் பல கட்டங்களாகவும் வாக்குப்பதிவு நடைபெற்றது.

தமிழக சட்டமன்ற தேர்தல் ஏப்ரல் 06 ஆம் தேதி நடைபெற்றது. வாக்கு எண்ணிக்கை 2021 மே 02 அன்று நடைபெற்றது. மேற்கு வங்கத்தில் எட்டு கட்டங்களாக தேர்தல் 2021-ல் நடைபெற்றது. மார்ச் 27, ஏப்ரல் 1, ஏப்ரல் 06, 10, 17, 22, 26, 29 என எட்டு கட்டங்களாக அங்கு வாக்குப்பதிவு நடைபெற்றது.

வடகிழக்கு மாநிலமான அசாமில் மார்ச் 27, ஏப்ரல் 1, ஏப்ரல் 6 என மூன்று கட்டங்களாக வாக்குப்பதிவு நடைபெற்றது. 5 மாநிலங்களையும் சேர்த்து மொத்தம் 15 கோடிக்கும் மேற்பட்ட வாக்காளர்கள் வாக்களித்தனர்.

சட்டமன்ற தொகுதிகளின் எண்ணிக்கை:

தமிழ்நாடு: 234
கேரளா: 140
மேற்கு வங்கம்: 294
அசாம்: 126
புதுவை: 30.

English summary

As Tamil Nadu awaits the announcement of the new Assembly election schedule, the previous election was held on April 6, 2021, in a single phase. Vote counting took place on May 2, 2021, when the results were declared and the new government was formed.