ஆமா.. நீங்க யாரு.. அடடா மறந்துட்டேனே.. என்ன கன்பீஸனா இருக்கா.. அப்ப இதைபடிங்க! #iforgotday

ஆண்டுதோறும் ஜூலை 2ம் தேதி ‘நான் மறந்துட்டேன்’ நாளாகக் கொண்டாடப்பட்டு வருகிறது.

சென்னை: பெரும்பாலான விசயங்களை மறந்து விடும் நபரா நீங்கள்? அப்படியென்றால் இந்த நாள் உங்களுக்கானது தான். ஆம், இன்று, 'மறந்துட்டேன்’ நாள்.

ஒவ்வொரு நாளும் ஏதோவொரு சிறப்போடு தான் விடிகிறது. மாதத்தின் ஒவ்வொரு நாளையும் ஏதோ ஒரு காரணத்திற்காக யாராவது கொண்டாடிக் கொண்டு தான் இருக்கிறார்கள். அப்படியாக, ஆண்டுதோறும் ஜூலை 2ம் தேதியை 'நான் மறந்துட்டேன்’ ( I forgot day ) தினமாக சிலர் கொண்டாடுகின்றனர்.

சரி யார் இப்படி ஒரு நாளை உண்டாக்கியது, யார் இதனைக் கொண்டாடுகிறார்கள் என்ற தகவலை எல்லாம் இந்த நாளுக்கு சொந்தமானவர்கள் மறந்து விட்டார்கள். ஆனால், இந்த தினத்தை உருவாக்கியதற்கு முக்கியக் காரணமாக அவர்கள் கூறுவது, 'இனி வரும் காலங்களிலாவது மறதியை மறப்போம்’ என்பது தான்.

Good news, guys! You don’t have to remember anything today. 😄 #IForgotDay #StayWrogn @StayWrogn pic.twitter.com/DrQA44HgJV

— Virat Kohli (@imVkohli) July 2, 2018

இனிமேலும், அய்யய்யோ அந்த வேலையை மறந்துட்டேன், இதை எடுத்து வர மறந்துட்டேன் என யாரிடமும் சொல்லாதீர்கள். அதற்கு நீங்கள் செய்ய வேண்டியது, எல்லாவற்றையும் குறித்து குறிப்பு எடுத்து வைத்துக் கொள்வது தான். அதன் மூலம் செய்ய வேண்டிய வேலைகளை சரியாக செய்து முடிக்க இயலும்.

என்ன, இனிமே எதையும் 'மறந்துட்டேன்’னு சொல்ல மாட்டீங்க தானே!

English summary

Every year July 2nd is celebrated as 'I forgot day'.