கிரிராஜ் சிங்

கிரிராஜ் சிங் இந்திய அரசியல்வாதி ஆவார். இவர் பாஜகவைச் சேர்ந்தவர். நவதா தொகுதியிலிருந்து 16வது லோக்சபாவுக்கு தேர்ந்தெடுக்கப்பட்டார். தற்போது சிறு, குறு மற்றும் நடுத்தர தொழில்துறை இணை அமைச்சர் (தனிப் பொறுப்பு) பொறுப்பில் உள்ளார். நிதிஷ் குமார் தலைமையிலான அமைச்சரவையில் அமைச்சராக இருந்துள்ளார். பீகார் அரசில் கூட்டுறவு, கால்நடைத்துறை மீன்வளத்துறை அமைச்சராக இருந்துள்ளார். 1952ம் ஆண்டு பீகார் மாநிலம் பரஹியா லக்கிசராய் மாவட்டத்தில் செப்டம்பர் 8ம் தேதி பிறந்தார் கிரிராஜ் சிங். பரஹியாவில் உள்ள அரசுப் பள்ளியில் படித்தார். பின்னர் 1971ம் ஆண்டு மகத் பல்கலைக்கழகத்தில் பட்டப் படிப்பு படித்தார். இவர் பூமிகார் சமுதாயத்தைச் சேர்ந்தவர். இவரது மனைவி பெயர் உமா சின்ஹா. இவர்களுக்கு ஒரு மகள் உள்ளார்.