குலாம் நபி ஆசாத்

1973 ஆம் ஆண்டு காங்கிரஸ் கட்சியின் பாலெசா பகுதி செயலாளராக குலாம் நபி ஆசாத் அரசியல் அரங்கில் நுழைந்தார். படிப்படியாக பல்வேறு பதவிகளை பெற்று முன்னேறிய அவர் இளைஞர் காங்கிரஸ் தலைவராக நியமிக்கப்பட்டார். மகாராஷ்டிராவின் வாஷிம் தொகுதியில் இருந்து 1980 தேர்தலில் தனது முதல் பாராளுமன்ற வெற்றியை பதிவுசெய்தார் . 1982 ஆம் ஆண்டு மத்திய சட்டம், நீதி மற்றும் கம்பெனி விவகார துறை அமைச்சராக நியமிக்கப்பட்டார். அதன்பிறகு அரசியலில் பல்வேறு உயரங்களை அடைந்த குலாம்நபி ஆசாத், மத்திய அரசாங்கத்தில் பல துறைகளின் அமைச்சராக பதவி வகித்ததுடன், 2005 ல் ஜம்மு காஷ்மீர் முதலமைச்சராகவும் பதவியேற்றார். 2008ல் முஸ்லீம்கள் வெகுஜன மக்களின் எழுச்சியைத் தொடர்ந்து இந்து ஆலயம் கட்டுவதற்காக நிலம் கையகப்படுத்தப்பட்டது ரத்துசெய்யப்பட்டது. அதனைத்தொடர்ந்து இந்துக்கள் நடத்திய போராட்டம் ஏழு உயிர்களை பலிகொண்டது. இந்த நிகழ்வுகள் அவரை ராஜினாமா செய்யும் அளவிற்கு தள்ளியது. தற்போது இவர் ஐந்தாவது முறையாக ராஜ்யசபா உறுப்பினராக பணியாற்றிவருகிறார்.