• search
முகப்பு
 » 
அரசியல்வாதிகள்
 » 
மம்தா பானர்ஜி

மம்தா பானர்ஜி

சுயசரிதை

மம்தா பானர்ஜி மேற்கு வங்கத்தின் தற்போதைய முதலமைச்சராக உள்ளார். மேலும் அனைத்து இந்திய திரிணமூல் காங்கிரஸ் கட்சியின் தலைவராகவும் உள்ளார். கொல்கத்தாவில் ஒரு நடுத்தர வர்க்க குடும்பத்தில் பிறந்த அவர் கல்லூரி காலத்தில் இருந்தே தீவிர அரசியலில் நுழைந்தார். 1984ம் ஆண்டு மக்களவை தேர்தலில் தெற்கு கொல்கத்தாவில் தனது முதல் தேர்தலிலேயே வெற்றி பெற்றார். 1989ம் ஆண்டு தேர்தலில் தோல்வியடைந்தார். 1991ம் ஆண்டு நடந்த தேர்தலில் மீண்டும் வெற்றி பெற்றார். 2009ம் ஆண்டு வரை நடந்த பொதுத் தேர்தல்கள் வரை அப்பதவியில் இருந்து வந்தார். 1997 ல் அவர் ஆல் இந்தியா திரிணாமுல் காங்கிரஸ் கட்சியினை நிறுவினார். ரயில்வே அமைச்சராக இரண்டு முறை தேர்ந்தெடுக்கப்பட்டார். தேசிய ஜனநாயக கூட்டணி மற்றும் ஐக்கிய முற்போக்குக் கூட்டணி என மாறி மாறி கூட்டணி வைத்த மமதா, நந்திகிராம் மற்றும் சிங்கூர் போராட்டங்களின் போது இன்னும் முக்கியத்துவம் அடைந்தார். இறுதியாக அவர் 2011ம் ஆண்டு மேற்கு வங்க மாநிலத்தின் முதலமைச்சராக தேர்ந்தெடுக்கப்பட்டார். மேலும் 2016ம் ஆண்டில் மேலும் பெரிய வெற்றியுடன் ஆட்சியமைத்தார்.

தனிப்பட்ட வாழ்க்கை

முழுப் பெயர் மம்தா பானர்ஜி
பிறந்த தேதி 05 Jan 1955 (வயது 64)
பிறந்த இடம் கொல்கத்தா
கட்சி பெயர் All India Trinamool Congress
கல்வி Post Graduate
தொழில் அரசியல் & சமூக பணி
தந்தை பெயர் ப்ரோமிலேஸ்வர் பானர்ஜி
தாயார் பெயர் காயத்ரி பானர்ஜி
துணைவர் பெயர் தகவல் இல்லை
துணைவர் தொழில் தகவல் இல்லை

தொடர்பு

நிரந்தர முகவரி ஆர் / ஓ 30பி , ஹரிஷ் சாட்டர்ஜி தெரு, கொல்கத்தா - 700026
தற்காலிக முகவரி ஆர் / ஓ 30பி , ஹரிஷ் சாட்டர்ஜி தெரு, கொல்கத்தா - 700026
தொடர்பு எண் 9073348620, 09831159772
மின்னஞ்சல் cm@wb.gov.in
இணையதளம் https://wb.gov.in/portal/web/guest/meet-the-chief-minister
சமூக வலைதளங்கள்

சுவாரஸ்ய தகவல்கள்

மம்தா பானர்ஜி மேற்கு வங்கத்தின் முதல் பெண் முதலமைச்சராக தேர்ந்தெடுக்கப்பட்டவர் ஆவார். மூத்த சகோதரி என அதாவது 'திதி ' என்று அனைவராலும் செல்லமாக அழைக்கப்படுகிறார். வரலாற்றில் ஒரு கௌரவ பட்டமும் இஸ்லாமிய வரலாற்றில் முதுகலை பட்டமும் கல்வி மற்றும் சட்டம் ஆகியவற்றில் பட்டமும் பெற்றுள்ளார். அவர் கவிதைகளையும் எழுதுகிறார். கிட்டத்தட்ட 300 ஓவிய ஓவியங்கள் வரைந்து விற்றுள்ளார். பிரதமர் வேட்பாளராக பலராலும் கருதப்படுகிறார்.

அரசியல் காலவரிசை

  • 2016
    மேற்கு வங்க முதல்வராக 2வது முறையாக பதவியேற்றார் மமதா பானர்ஜி. காங்கிரஸுடன் கூட்டணி வைத்து போட்டியிட்டதில், மமதா கட்சி மட்டும் 211 சீட்டுகளை வென்று அதிரடி காட்டியது.
  • 2012
    ஐக்கிய முற்போக்குக் கூட்டணி அரசுக்கு அளித்த ஆதரவை திரும்பப் பெற்றார் மமதா பானர்ஜி.
  • 2011
    மேற்கு வங்கத்தில் எட்டாவது முதலமைச்சராக தேர்ந்தெடுக்கப்பட்டார். காங்கிரஸ்-கூட்டணி கட்சிகள் 294 இடங்களில் 227 இடங்களை வென்றது. மாநிலத்தில் 34 ஆண்டு காலமாக நீடித்து வந்த இடது முன்னணி ஆட்சி பறிபோனது.
  • 2009
    மக்களவை தேர்தலுக்கு முன்பு காங்கிரஸ் தலைமையிலான ஐக்கிய முற்போக்குக் கூட்டணியில் இணைந்தார். மம்தா தனது ஐந்தாவது வெற்றியை கொல்கத்தா தக்ஷினில் இருந்து பதிவு செய்தார். மேலும் மன்மோகன் சிங் அரசில் ரயில்வே துறை அமைச்சராக நியமிக்கப்பட்டார். ரயில்வே துறை அமைச்சர் பதவிக்கு இவர் 2வது முறையாக நியமிக்கப்பட்டார்.
  • 2006
    கொல்கத்தா மாநகராட்சி தேர்தலில் தோல்வியடைந்த பின்னர் மம்தா தனது கட்சியின் வளர்ச்சி குறித்து அதிக கவனம் செலுத்தத் தொடங்கினார்.
  • 2006
    2006ம் ஆண்டு ஆகஸ்ட் 4ம் தேதி லோக்சபாவில் நடந்த கடுமையான விவாதத்தின்போது தனது ராஜினா கடிதத்தை துணை சபாநாயகர் சரஞ்சித் சிங் அத்வாலை நோக்கி வீசி பரபரப்பை ஏற்படுத்தினார்.
  • 2006
    டாடா மோட்டார்ஸ் கார் திட்டத்திற்கு எதிராக மம்தா பானர்ஜி மிகப் பெரிய வேலைநிறுத்த போராட்டத்தை அறிவித்தார். திரிணாமுல் காங்கிரஸ் கட்சியின் சட்டமன்ற உறுப்பினர்கள் சட்டசபைக்கு உள்ளே இருக்கைகள் மற்றும் மைக்குகளை உடைத்து பெரும் போராட்டத்தில் குதித்தனர்.
  • 2005
    மம்தா மேற்கு வங்க அரசின் கட்டாய நிலம் கையகப்படுத்துதல் திட்டத்திற்கு எதிராக பெரும் போராட்டத்தில் குதித்தார். லட்சக்கணக்கான விவசாயிகள் மமதாவுடன் களத்தில் குதித்ததால் மேற்கு வங்க அரசுக்கு பெரும் நெருக்குதல் ஏற்பட்டது.
  • 2004
    மம்தா ராபின் தேப்பை தோற்கடித்து, தனது பதவியை மீண்டும் தக்க வைத்துக் கொண்டார்.
  • 1999
    மம்தா மீண்டும் கொல்கத்தா தக்ஷின் தொகுதியில் இருந்து வென்றார். இந்திய கம்யூனிஸ்ட் கட்சியின் சுபாங்கர் சக்ரவர்த்தியை தோற்கடித்தார்.
  • 1999
    தேசிய ஜனநாயக கூட்டணி (தேசிய ஜனநாயகக் கூட்டணி) அரசாங்கத்தில் மம்தாவின் அனைத்து இந்திய திரிணாமுல் கட்சி சேர்ந்தது. அவர் மத்திய ரயில்வே துறை அமைச்சராக பதவி ஏற்றார். தனது முதல் ரயில்வே பட்ஜெட்டை தாக்கல் செய்தார். 2000-2001 ஆம் ஆண்டில் 19 புதிய ரயில்களை அறிமுகப்படுத்தினார்.
  • 1998
    1998ம் ஆண்டு பொதுத் தேர்தலில் மம்தாவுக்கு கிடைத்த வாக்குகளின் சதவீதம் 59% ஆக அதிகரித்தது. அதே தொகுதியில் இருந்து இந்திய கம்யூனிஸ்ட் கட்சியின் பிரசாந்த குமார் சுருக்கு எதிராக 224,081 வாக்குகள் பெற்று வெற்றி அடைந்தார்.
  • 1997
    மம்தா காங்கிரஸ் கட்சியை விட்டு வெளியேறி திரிணாமுல் காங்கிரஸ் (திரிணாமுல் காங்கிரஸ்) என்று பொதுவாக அழைக்கப்படும் அனைத்து இந்திய திரிணாமுல் காங்கிரஸ் என்ற பெயரில் புது கட்சியை நிறுவினார்.குறுகிய காலத்திலேயே கிழக்கு இந்தியாவின் மிகப் பெரிய எதிர்க்கட்சியாக திரிணாமுல் உருவெடுத்தது.
  • 1996
    மம்தா தனது கொல்கத்தா தக்ஷின் தொகுதியை தக்க வைத்துக் கொண்டார். இந்த முறை அவர் 103,261 வாக்குகள் வித்தியாசத்தில் வெற்றி பெற்றார். அவர் இந்திய கம்யூனிஸ்ட் கட்சியை சேர்ந்த பார்தி முகர்ஜியை தோற்கடித்தார்.
  • 1991
    மீண்டும் மக்களவைக்கு தேர்ந்தெடுக்கப்பட்டார். இந்த முறை அவர் கொல்கத்தா தக்ஷின் தொகுதியில் இருந்து வென்றார். அவர் 3,67,896 வாக்குகளைப் பெற்றார். இது மொத்த வாக்குகளில் 52 சதவிகித வாக்குகள் ஆகும்.
  • 1991
    பிவி நரசிம்மராவ் அரசில் மனித வள மேம்பாட்டு துறை, இளைஞர் விவகாரங்கள் மற்றும் விளையாட்டுத்துறை, மகளிர் மற்றும் குழந்தைகள் மேம்பாட்டுத்துறை அமைச்சராக நியமிக்கப்பட்டார். பின்னர் அவர் 1993ம் ஆண்டில் தனது அமைச்சர் பதவியிலிருந்து வெளியேறினார்.
  • 1989
    1989 ஆம் ஆண்டு மக்களவைத் தேர்தலில் மேற்கு வங்கத்தில் காங்கிரசிற்கு எதிரான அலை காரணமாக ஜோத்பூர் தொகுதியில் தோல்வியுற்றார்.
  • 1984
    ஜோத்பூர் மக்களவை தொகுதியில் கம்யூனிஸ்ட் கட்சியை சேர்ந்த சோம்நாத் சாட்டர்ஜியை தோற்கடித்ததன் மூலம் மக்களவை தேர்தலில் தன் முதல் வெற்றியை அடைந்தார். பாராளுமன்ற உறுப்பினர்களில் சிறு வயது உடையவர்களில் ஒருவராக மம்தா இருந்தார்.
  • 1984
    1984 ஆம் ஆண்டின் மத்தியில் இந்திய இளைஞர் காங்கிரஸ் கட்சியில் பொதுச் செயலாளராக நியமிக்கப்பட்டார்.
  • 1976
    மேற்கு வங்க மகிளா காங்கிரஸ் கட்சியின் பொதுச் செயலாளராக தேர்ந்தெடுக்கப்பட்டார். நான்கு வருடங்கள் இந்த பதவியில் பணிபுரிந்தார்.
  • 1974
    காங்கிரஸ் கட்சியின் மாவட்ட அளவில் மம்தா தனது அரசியல் வாழ்க்கையைத் தொடங்கினார்.

முந்தைய வரலாறு

  • 1970
    ஜோகமயா தேவி கல்லூரியில் படிக்கும்போது சத்ர பரிஷத் அமைப்பை உருவாக்கினார் மமதா. இது காங்கிரஸின் கட்சியின் மாணவர் பிரிவு ஆகும். மாணவர் சங்க தேர்தலில் மமதா பானர்ஜி போட்டியிட்டு, இந்திய சோசலிச ஒற்றுமை மையத்தின், ஜனநாயக மாணவர் சங்க வேட்பாளரை வீழ்த்தினார்.
நிகர மதிப்பு30.45 LAKHS
சொத்துக்கள்30.45 LAKHS
கடன்கள்N/A

Disclaimer: The information relating to the candidate is an archive based on the self-declared affidavit filed at the time of elections. The current status may be different. For the latest on the candidate kindly refer to the affidavit filed by the candidate with the Election Commission of India in the recent election.

சமூக வலைதளம்

நாள் முழுவதும் oneindia
செய்திகளை உடனுக்குடன் பெற

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more