மம்தா பானர்ஜி

மம்தா பானர்ஜி மேற்கு வங்கத்தின் தற்போதைய முதலமைச்சராக உள்ளார். மேலும் அனைத்து இந்திய திரிணமூல் காங்கிரஸ் கட்சியின் தலைவராகவும் உள்ளார். கொல்கத்தாவில் ஒரு நடுத்தர வர்க்க குடும்பத்தில் பிறந்த அவர் கல்லூரி காலத்தில் இருந்தே தீவிர அரசியலில் நுழைந்தார். 1984ம் ஆண்டு மக்களவை தேர்தலில் தெற்கு கொல்கத்தாவில் தனது முதல் தேர்தலிலேயே வெற்றி பெற்றார். 1989ம் ஆண்டு தேர்தலில் தோல்வியடைந்தார். 1991ம் ஆண்டு நடந்த தேர்தலில் மீண்டும் வெற்றி பெற்றார். 2009ம் ஆண்டு வரை நடந்த பொதுத் தேர்தல்கள் வரை அப்பதவியில் இருந்து வந்தார். 1997 ல் அவர் ஆல் இந்தியா திரிணாமுல் காங்கிரஸ் கட்சியினை நிறுவினார். ரயில்வே அமைச்சராக இரண்டு முறை தேர்ந்தெடுக்கப்பட்டார். தேசிய ஜனநாயக கூட்டணி மற்றும் ஐக்கிய முற்போக்குக் கூட்டணி என மாறி மாறி கூட்டணி வைத்த மமதா, நந்திகிராம் மற்றும் சிங்கூர் போராட்டங்களின் போது இன்னும் முக்கியத்துவம் அடைந்தார். இறுதியாக அவர் 2011ம் ஆண்டு மேற்கு வங்க மாநிலத்தின் முதலமைச்சராக தேர்ந்தெடுக்கப்பட்டார். பின் 2016ம் ஆண்டில் மேலும் பெரிய வெற்றியுடன் ஆட்சியமைத்தார்.

2021 மேற்கு வங்க சட்டசபை தேர்தலில் திரிணாமுல் சார்பாக நந்திகிராமில் போட்டியிட்டு பாஜக வேட்பாளர் சுவேண்டு அதிகாரியிடம் மம்தா பானர்ஜி அடைந்தார். இருப்பினும் மேற்கு வங்க முதல்வராக மீண்டும் மமதா பானர்ஜி 2021 மே 5ம் தேதி தனிப்பெரும்பான்மையோடு ஆட்சி அமைத்தார்.