ஒய்.எஸ் ஜெகன் மோகன் ரெட்டி

ஆந்திரபிரதேசத்தை சேர்ந்த இந்திய அரசியல் பிரமுகரான யடுகுரி சான்டின்தி ஜெகன்மோகன் ரெட்டி , ஒய்.எஸ்.ஆர் காங்கிரஸ் கட்சியின் தலைவராகவும், ஆந்திர சட்டமன்றத்தில் அக்கட்சியின் தலைவராகவும் உள்ளார். முன்னாள் ஆந்திர முதல்வர் ஒய்.எஸ். ராஜசேகர ரெட்டியின் மகன் என்பது இவரது அரசியல் பின்புலம் ஆகும். ஆந்திராவின் கடப்பா மாவட்டத்தில் உள்ள புலிவென்டுலா கிராமத்தில் 21டிசம்பர் 1972ல் பிறந்தார் ஜெகன். ஹைதராபாத் பப்ளிக் பள்ளியில் பள்ளி படிப்பை முடித்த பின்னர், நிசாம் கல்லூரியில் பி.காம் மற்றும் எம்.பி.ஏ பட்டங்களை பெற்றார். புலிவென்டுலா-ஐ சேர்ந்த குழந்தைமருத்துவர் மற்றும் கொடையாளருமான டாக்டர் ஈ.சி. கெங்கி ரெட்டி என்பவரின் மகள் பாரதியை 28 ஆகஸ்ட் 1996 அன்று மணமுடித்துக்கொண்டார் ஜெகன்மோகன். இந்த தம்பதிக்கு இரு மகள்கள் உள்ளனர்.