கல்வகுண்டல சந்திரசேகர் ராவ்

கல்வகுண்டல சந்திரசேகர் ராவ் தெலுங்கானாவின் முதல் முதலமைச்சர் ஆவார். தெலுங்கானா மாநிலம் ஆந்திராவில் இருந்து பிரிக்கப்பட்ட பிறகு அவர் பதவிக்கு வந்தார். அவர் தெலுங்கானா ராஷ்டிர சமிதி கட்சியின் தலைவர் ஆவார். சித்திபெட் மாட்டம் கஜ்வெல் தொகுதியிலிருந்து சட்டசபை உறுப்பினராக தேர்ந்தெடுக்கப்பட்டார். முன்னதாக, அவர் ஆந்திராவின் சித்திபெட் தொகுதியிலிருந்து சட்டசபை உறுப்பினராகவும் மஹபூப்நகர், கரீம்நகர் மற்றும் மேடக் ஆகிய தொகுதியில் இருந்து லோக்சபாவுக்கும் தேர்ந்தெடுக்கப்பட்டுள்ளார். ஹைதராபாத்தின் உஸ்மானியா பல்கலைக்கழகத்தில் முதுகலை இலக்கியத்தை முடித்து பட்டம் பெற்ற பிறகு அவர் இளைஞர் காங்கிரஸ் கட்சியில் இணைந்து அரசியலில் நுழைந்தார். அந்த காலகட்டத்தில் காங்கிரஸ் மோசமான நிலையில் இருந்தது. ஆனால் அவர் சஞ்சய் காந்தியுடன் நின்று தனது பதவியை தக்கவைத்துக் கொண்டார். 1983 ஆம் ஆண்டில் அவர் தெலுங்கு தேசம் கட்சியில் சேர்ந்தார். பின்னர் 2001 ல் அவர் தெலுங்கு தேசம் கட்சியிலிருந்து ராஜினாமா செய்தார். தனி தெலுங்கானா மட்டுமே ஒரே தீர்வு என்று அவர் நம்பினார். 2001ம் ஆண்டில் தெலுங்கானா ராஷ்ட்ரிய சமிதி (டி.ஆர்.எஸ்) கட்சி அவரால் உருவாக்கப்பட்டது. 2006 ஆம் ஆண்டு ஆகஸ்டு மாதம் அவர் தெலுங்கானா தனி மாநில கோரிக்கையை வலியுறுத்தி, மத்திய அமைச்சரவையில் இருந்து ராஜினாமா செய்தார். புது தில்லி ஜந்தர் மந்தரில் உண்ணாவிரத போராட்டத்தில் ஈடுபட்டார். இதன் விளைவாக தெலுங்கானா தனி மாநிலம் அமைக்கப்படும் என மத்திய அரசு அறிவித்ததைத் தொடர்ந்து டிசம்பர் 9, 2009ம் ஆண்டு தனது போராட்டத்தை அவர் விலக்கிக் கொண்டார்.