ராஜ் நாத் சிங்

உத்திரப்பிரதேச மாநில முன்னாள் முதலமைச்சர் மற்றும் தற்போதைய மத்திய உள்துறை அமைச்சருமான ராஜ் நாத் சிங் இயற்பியல் விரிவுரையாளராக பணியாற்றி வந்தார். பின்னர் அவர் ஆர்.எஸ்.எஸ் மீது ஆர்வம் கொண்டு ஜனதா கட்சியில் இணைந்தார். அவர் மிர்சாபூர் தொகுதியில் இருந்து ஜனதா கட்சி வேட்பாளராக 1977ம் ஆண்டு சட்டசபை தேர்தலில் போட்டியிட்டார். அவர் இந்திய தேசிய காங்கிரஸ் கட்சி வேட்பாளரான ஆஜஹர் இமாமை தோற்கடித்தார். 1980 மற்றும் 1985 ஆம் ஆண்டு சட்டசபை தேர்தல்களில் பாரதிய ஜனதா கட்சி சார்பாக போட்டியிட்ட அவர் தோல்வி அடைந்தார். 1988 ஆம் ஆண்டு உத்தரபிரதேச சட்டசபைக்கு அவர் தேர்ந்தெடுக்கப்பட்டார்.1991ம் ஆண்டு உத்தரப் பிரதேச மாநிலத்தில் முதல் பாரதிய ஜனதா கட்சி அரசின் கல்வி துறை அமைச்சராக நியமிக்கப்பட்டார். ஏப்ரல் 1994 இல் மாநிலங்களவைக்கு தேர்ந்தெடுக்கப்பட்டார். 1997 ஆம் ஆண்டில் உத்தரபிரதேச மாநிலத்தின் பாரதிய ஜனதா கட்சியின் தலைவராகவும் 1999 ல் மத்திய அமைச்சரவையில் போக்குவரத்து மேற்பார்வை துறை அமைச்சராகவும் ஆனார். அவரது புகழ்பெற்ற போக்கு 2000 ஆம் ஆண்டில் உத்தரப் பிரதேசத்தின் முதலமைச்சராக அவரை வழிநடத்தியது. 2005 இல் பாரதிய ஜனதா கட்சியின் தேசியத் தலைவராக நியமிக்கப்பட்டார். 2009 இல் அவர் காஜியாபாத் தொகுதியில் இருந்து பதினைந்தாவது மக்களவைக்கு தேர்ந்தெடுக்கப்பட்டார். 2014 ல் லக்னோ தொகுதியில் பதினாறாவது மக்களவைத் தேர்தலில் போட்டியிட்டு வெற்றி பெற்றார். தற்போது அவர் நரேந்திர மோடி அமைச்சரவையில் மத்திய அமைச்சராக பணியாற்றுகிறார்.