எஸ் ஜோதிமணி

ஜோதிமணி என்றும் அழைக்கப்படும் ஜோதிமணி சென்னிமலை ஒரு இந்திய அரசியல்வாதி, எழுத்தாளர் மற்றும் சமூக சேவகர் ஆவார். அவர் 2019 ஆம் ஆண்டில் தமிழ்நாட்டின் கரூரிலிருந்து மக்களவைக்கு காங்கிரஸ் சார்பாக தேர்வானார். தமிழக காங்கிரசில் ஜோதிமணி முக்கிய தலைவர்களில் ஒருவர் ஆவார். இவர் அகில இந்திய இளைஞர் காங்கிரஸின் பொது செயலாளராகவும், தமிழக இளைஞர் காங்கிரஸின் துணைத் தலைவராகவும் பணியாற்றி உள்ளார்.

ஜோதிமணி இளம் வயதிலிருந்தே காங்கிரஸ் கட்சியில் செயல்பட்டு வருகிறார். ஜோதிமணி தனது 22 வயதில் இருந்தே அரசியலில் ஈடுபட்டு வருகிறார். ஜோதிமணி 2011 தமிழ்நாடு மாநில சட்டமன்றத் தேர்தலிலும், 2014 இந்திய பொதுத் தேர்தலிலும் கரூரிலிருந்து போட்டியிட்டு இரு தேர்தல்களிலும் தோல்வியடைந்தார். 2019 இந்திய பொதுத் தேர்தலில் அவர் கரூரிலிருந்து காங்கிரஸ் சார்பாக வென்றார்.