ஆர்.சரத்குமார்

ஆர்.சரத்குமார் ஒரு இந்திய திரைப்பட நடிகர், அரசியல்வாதி மற்றும் தென்னிந்திய திரைப்பட கலைஞர்கள் சங்கத்தின் முன்னாள் தலைவர் ஆவார். சரத்குமார் தனது சொந்த அரசியல் கட்சியான அகில இந்திய சமத்துவ மக்கள் கட்சியை ஆகஸ்ட் 31, 2007 அன்று தொடங்கினார். திரைப்பட துறையில் பல்வேறு மொழிகளில் இவர் 150 க்கும் மேற்பட்ட திரைப்படங்களில் நடித்துள்ளார். அவர் தமிழ், மலையாளம், தெலுங்கு மற்றும் கன்னடத் துறையில் நன்கு அறியப்பட்ட நடிகர்.

1996 ஆம் ஆண்டில், சரத் குமார் அரசியலில் நுழைந்தார். திராவிட முன்னேற்ற கழகம் (திமுக) மூலம் அரசியலுக்குள் வந்தார். 1998ல் திருநெல்வேலியில் மக்களவைத் தேர்தலில் போட்டியிட்டு சரத்குமார் தோல்வியடைந்தார். ஜூலை 2001ல், திமுக கட்சி அவரை மாநிலங்களவை உறுப்பினராக்கியது. 2006ல் நடந்த சட்டமன்றத் தேர்தல் சரத்குமார் அதிமுகவில் இணைந்தார். ஆனால் அக்டோபர் 2006 இல், அவரது மனைவி ராதிகா கட்சி விரோத நடவடிக்கைகளுக்காக அதிமுகவில் இருந்து நீக்கப்பட்டார். இதையடுத்து நவம்பர் 2006 இல் சரத்குமார் அதிமுகவிலிருந்து விலகினார்.

2011 சட்டமன்றத் தேர்தலில், சரத்குமார் அதிமுக கூட்டணியில் சேர்ந்து தென்காசியில் போட்டியில் வெற்றி பெற்றார். 2016 சட்டமன்றத் தேர்தலில், திருச்செந்தூர் தொகுதியில் சரத்குமார் திமுக வேட்பாளர் அனிதா ஆர்.ராதாகிருஷ்ணனிடம் தோற்றார்.