சு. திருநாவுக்கரசர்

இந்திய தேசிய காங்கிரஸின் தமிழ்மாநில கிளையை நியூயார்க், அமெரிக்கா என சர்வதேச அளவில் துவங்கிவைக்க திருநாவுக்கரசர் அழைக்கப்பட்டார். 1998 நாடாளுமன்ற தேர்தலில், இவர் துவங்கிய எம்.ஜி.ஆர் அதிமுக கட்சி காங்கிரஸ் உடன் கூட்டணி வைத்து தேர்தலை சந்தித்தது. இந்திய அரசியலில் மிகவும் பிரபலமாக இருக்கும் இவர், தனது எளிமை மற்றும் தொலைநோக்கு பார்வையின் காரணமாக தமிழகத்தில் மிகப்பெரிய தொண்டர்படையை வைத்துள்ளார். "அக்கரை சீமையில் ஆறு வாரங்கள்" எனும் புத்தகத்தை எழுதியுள்ள திருநாவுக்கரசர், "பொன் மனம்" எனும் வார இதழை துவங்கி அதன் ஆசிரியராகவும் இருந்தார்.

எம்.ஜி.ஆர் அமைச்சரவையில் தொழில்நிறுவனங்கள், கைத்தறி மற்றும் வணிகவரித்துறை அமைச்சராக இருக்கும்போதே, சட்டமன்ற துணை சபாநாயகராகவும் பணியாற்றினார்.
தமிழகத்தில் உள்ள தாது வளங்களை ஆராயும் வகையில் தமிழ்நாடு மேக்னசைட் கார்பொரேசன் மற்றும் தமிழ்நாடு மினரல்ஸ் லிமிடெட் நிறுவனங்களை துவங்கினார்.
சிப்காட் எனப்படும் தொழில்வளாகங்களை பல இடங்களில் நிறுவிய திருநாவுக்கரசர், பல்வேறு காகித மற்றும் சர்க்கரை ஆலைகளையும் நிறுவியுள்ளார்.
இவர் 1980களில் பல்வேறு பள்ளிகள், பாலிடெக்னிக் மற்றும் கலை அறிவியல் கல்லூரிகளையும் துவக்கினார். ஆறுகளின் குறுக்கே சிறு தடுப்பணைகள், மருத்துவமனைகள் மற்றும் ஆரம்ப சுகாதார நிலையங்களையும் கட்டியுள்ளார். இவையனைத்தும் நீர்சேமிப்பு மற்றும் சுகாதாரம் தொடர்பான எந்தவொரு விழிப்புணர்வும் இல்லாதபோதே நடைபெற்றவை.
கப்பல்துறை அமைச்சராக இருந்தபோது, கப்பல் துறைக்கு கடல்சார் படிப்பு அவசியமானது என கருதிய திருநாவுக்கரசர், தொழில்நுட்ப மற்றும் அறிவியல் பயிற்சிகளின் முக்கியத்துவத்தை வலியுறுத்தி, தேசிய துறைமுக மேலாண்மை நிறுவனம் அதிக நபர்களை பயிற்றுவிக்க ஊக்கப்படுத்தினார். கடல்சார் படிப்பு மற்றும் பயிற்சி மையத்தின் புதிய வளாகங்களை துவங்கிவைத்தார்.
ஏழை, அடித்தட்டு மற்றும் ஆதரவற்ற குழந்தைகளுக்கு உதவும் வகையில், பாரதரத்னா டாக்டர்.எம்ஜிஆர் அறக்கட்டளையை துவக்கினார். இவர் விளையாட்டு மற்றும் கலாச்சாரம் போன்றவற்றில் ஆர்வமுடையவர்.