திருச்சி சிவா

திருச்சி சிவா திமுக கட்சியின் முக்கியமான தலைவர்களில் ஒருவர். தமிழகத்தில் இருந்து இவர் திமுகவின் மாநிலங்களவை எம்பியாக இருக்கிறார். 1996, 2002, 2007,2014 மற்றும் 2020 ஆண்டுகளில் திமுக கட்சியில் இருந்து மாநிலங்களவை உறுப்பினராக தேர்ந்தெடுக்கப்பட்டார். அவர் மாநிலங்களவையில் பல தனிநபர் மசோதாக்களைக் கொண்டு வந்தார். அவர் திருநங்கைகளின் உரிமைகள் மசோதாவை 2014 இல் கொண்டுவந்தார், இந்த மசோதா மாநிலங்களவை ஒருமனதாக நிறைவேறியது.

1970களில் இருந்து திமுக உறுப்பினராக திருச்சி சிவா இருக்கிறார். 1976 ஆம் ஆண்டின் எமர்ஜென்சியின் போது மிசா சட்டத்தின் கீழ் சிவா ஒரு வருடம் சிறையில் அடைக்கப்பட்டார். 1978ல் திமுக மாவட்ட மாணவர் பிரிவின் அமைப்பாளராக சிவா இருந்தார்.