கேப்டன் அம்ரிந்தர் சிங்

கேப்டன் அமிரீந்தர் சிங் பஞ்சாப்பின் தற்போதைய (இருபத்தாறாவது) முதலமைச்சர் ஆவார். இதற்கு முன்பு 2002-2007 முதல் பஞ்சாப் முதலமைச்சராக பணியாற்றினார். அவர் பாட்டியாலா தொகுதியில் இருந்து சட்டசபை உறுப்பினராகவும், இந்திய தேசிய காங்கிரஸ் கட்சியின் பஞ்சாப் மாநில காங்கிரஸ் கமிட்டியின் தலைவராகவும் தேர்ந்தெடுக்கப்பட்டார். 1980ம் ஆண்டு முதல் முறையாக மக்களவையில் வெற்றி பெற்றார். அரசியலோடு மட்டுமல்லாமல், 1963 முதல் 1966 வரை இந்திய இராணுவத்திற்காக பணியாற்றியுள்ளார். பாட்டியாலாவின் சித்து பிராரில் உள்ள புல்கிய வம்சத்தைச் சேர்ந்த மகாராஜா யதாவிந்திர சிங் மற்றும் மஹாராணி மொஹீந்தர் கவுர் ஆகியோருக்கு பிறந்தார். வெல்ஹாம் ஆண்கள் பள்ளி மற்றும் லாரன்ஸ் சானவார் பள்ளி மற்றும் டெஹ்ராடூனில் உள்ள டூன் பள்ளி ஆகியவற்றில் தனது பள்ளி படிப்பை முடித்தார். அவரது மனைவி பிரனீத் கவுர் 2009 முதல் 2014 வரை எம்பியாகவும், மத்திய வெளிவிவகாரத் துறை இணை அமைச்சராகவும் இருந்தார். அவர்களுக்கு ஒரு மகனும் ஒரு மகளும் உள்ளனர். அரசியலில் சேர்வதற்கு முன் இந்திய ராணுவத்தில் பணியாற்றி வந்தார். 1963ஆம் ஆண்டு தேசிய ராணுவ அகாடமி மற்றும் இந்திய இராணுவ அகாடமிலிருந்து பட்டப்படிப்பை முடித்து இராணுவத்தில் சேர்ந்தார். 1965 ல் இந்திய-பாகிஸ்தான் போரின்போது இந்திய இராணுவத்தில் மீண்டும் இணைந்தார். அவர் சீக்கியப் படைப் பிரிவில் இணைந்து பணியாற்றினார்.