கான்ராட் கொங்கல் சங்மா

கான்ராட் கொங்கல் சங்மா மேகாலயாவின் முன்னாள் முதலமைச்சர் பி.ஏ.சங்மாவின் மகன் ஆவார். படிப்பை முடித்த கையோடு அரசியலுக்கு வந்து விட்டார். பென்சில்வேனியா பல்கலைக்கழகத்தின் வார்டன் பள்ளியில் இருந்து தொழில் முனைவோர் நிர்வாகத்தில் வணிக நிர்வாகத்தில் இளங்கலை பட்டம் பெற்றார். இம்பீரியல் கல்லூரி லண்டனில் இருந்து அவர் தனது முதுகலை வணிக நிர்வாகவியல் பட்டமும் பெற்றார். 2004ம் ஆண்டு சட்டமன்றத் தேர்தலில் போட்டியிட்டு தனது அரசியல் வாழ்க்கையைத் தொடங்கினார். ஆனால் 182 வாக்குகள் வித்தியாசத்தில் தோல்வி அடைந்தார்.

2008 இல் நடந்த அடுத்த சட்டமன்றத் தேர்தலில் அவர் சகோதரருடன் சேர்ந்து சட்டமன்ற உறுப்பினராக தேர்ந்தெடுக்கப்பட்டார். 2016ம் ஆண்டு மார்ச் மாதம் தனது தந்தையின் மரணத்திற்குப் பின், அவர் தேசிய மக்கள் கட்சியின் தலைவராக தேர்ந்தெடுக்கப்பட்டார். பின்னர் அவர் துரா தொகுதியில் இருந்து பதினாறாவது மக்களவைக்குத் தேர்ந்தெடுக்கப்பட்டார். 2018ம் ஆண்டு சட்டசபை தேர்தலில், அவரது கட்சி 19 இடங்களில் வென்றது. மற்ற சிறு கட்சிகளுடன் கூட்டணி அமைத்தது மேகாலயா முதலமைச்சராக பொறுப்பேற்றார். அவர் நிதி அமைச்சராகவும் இருக்கிறார். அவருக்கு ஒரு சகோதரர் மற்றும் இரண்டு சகோதரிகள் உள்ளனர். அவரது சகோதரர் ஜேம்ஸ் மற்றும் சகோதரி அகதா ஆகியோரும் அரசியல்வாதிகளாக உள்ளனர்.