ஹர்சிம்ரத் கெளர் பாதல்

மத்திய அமைச்சரவையில் உணவு பதப்படுத்துதல் துறை கேபினட் அமைச்சராக இருக்கிறார் ஹர்சிம்ரத் கெளர் பாதல். பதிந்தா தொகுதியிலிருந்து நாடாளுமன்றத்திற்குத் தேர்ந்தெடுக்கப்பட்டவர். இவர் சிரோன்மணி அகாலிதளம் கட்சியைச் சேர்ந்தவர். அரசியல் பின்புலம் கொண்ட குடும்பத்தைச் சேர்ந்தவர். இவரது கணவர் சுக்பீர் சிங் பாதல்பஞ்சாப் துணை முதல்வராக இருந்தவர். சிரோண்மணி அகாலிதளம் தலைவராக இருக்கிறார். ஹர்சிம்ரத் கெளர் பாதல் 1966ம் ஆண்டு ஜூலை 25ம் தேதி டெல்லியில் பிறந்தவர். இவரது குடும்பம் மஜிதியா குடும்பம் என அழைக்கப்படுகிறது. பெற்றோர் சத்யஜித் மஜிதியா மற்றும் சுக்மஞ்சுஸ் மஜிதியா. ஹர்சிம்ரத் கெளர் டெல்லி லோரெட்டோ கான்வென்ட் பள்ளியில் படித்தவர். ஆடை வடிவமைப்பில் டிப்ளமோ முடித்துள்ளார். 1991ம் ஆண்டு நவம்பர் 21ம் தேதி சுக்பீர் சிங் பாதலுக்கும், இவருக்கும் திருமணம் நடந்தது. ஒரு தொழிதிபராகவும் இவர் இருந்துள்ளார்.