எம் ஜே அக்பர்

புகழ் பெற்ற பத்திரிகையாளர் மற்றும் எழுத்தாளரான எம்.ஜே. அக்பர் 1989ம் ஆண்டு அரசியல் துறையில் நுழைந்தார். அரசியல் அரங்கிற்குள் நுழைவதற்கு முன்னர் அவர் பல்வேறு பத்திரிகைகளின் சிறந்த ஆசிரியராக பெருமைமிக்க புகழைக் கொண்டிருந்தார். அக்பர் 1971 ஆம் ஆண்டில் டைம்ஸ் ஆஃப் இந்தியாவில் ஒரு பயிற்சி பத்திரிகையாளராக பணிபுரிந்தார். சிறந்த செய்தியாளராக, பத்திரிகையாளராக மாறிய பின்னர் தன்னுடைய சொந்த ஊடக முயற்சிகளைத் தொடங்க முடிவு செய்தார். அக்பரின் முதல் முத்திரை பதிந்த பத்திரிகை நிறுவனம் ஏசியன் ஏஜ் ஆகும். சர்வதேச செய்திகளை மிகவும் விரிவாக பிரசுரித்த முதல் இந்திய ஊடகம் இதுதான். இந்தியா மற்றும் வெளிநாடுகளில் அலுவலகங்களைக் கொண்டு செயல்பட்டார் அக்பர். பின்னர் அரசியலில் குதித்தார் அக்பர். 1989 ஆம் ஆண்டில் கிஷன்கஞ்ச் நாடாளுமன்ற உறுப்பினராக தேர்ந்தெடுக்கப்பட்டார். ஆனால் அடுத்த தேர்தலில் தோல்வியுற்றார். இதையடுத்து அரசியலை விட்டு விட்டு மீண்டும் பத்திரிகைத் துறைக்குத் திரும்பினார். பின்னர் 2009ல் ராஜ்யசபாவுக்கு தேர்ந்தெடுக்கப்பட்டார். 2016ம் ஆண்டு மீண்டும் ராஜ்யசபா எம்பி ஆனார். ஆனால் பாலியல் புகார்கள், ஒழுக்கமின்மை, அதிகார துஷ்பிரயோகம் மற்றும் முறைகேடான துன்புறுத்தல் ஆகியவ புகார்கள் காரணமாக அவர் பதவி விலக நேரிட்டது. மீ டூ இயக்கத்தின் விளைவாக அக்பர் மீது 20க்கும் மேற்பட்ட பெண்கள் பாலியல் புகார்களைச் சுமத்தினர்.